دحسینی تاسوعا او عاشورا دشپوورځو په مناسبت ټولو ته تسلیّت وایو
دتهران ریډیو درست کارکونکی په دې مناسبت د نړۍ ټولو مسلمانانو په تیره بیا تاسو خوږو مینه والو ته په دې مناسبت تسلیت او تعزیبت وایو.
نن د حسینی تاسو ورځ ده او په درستې نړۍ کې دمحرم دمیاشتې نهمه ورځ له حضرت ابوالفضل العباس سره منصوبیږی او د کربلا دحماسې د بیرغوال حضرت عباس علمدار علیه السلام دشهادت او سیرت په مناسبت حسینی عاشقان دغه ورځ لمانځی او د کربلا د حماسې دشهیدانو درنښت کوی او په دې مناسبت واټونو ته راوځی او یا حسین یاحسین او یا عباس یا زینب چغې پورته کوی .
راپورښئ په درستې نړۍ په تیره بیا اسلامی ایران ،افغانستان ،پاکستان او هندوستان پشمول په اسلامی او اروپائی هیوادونو کې دغه ورځ په ډیر پرتم سره لمانځل کیږی .
د کربلا له غمجنې پیښې او د امام حسین او د هغه د وفادارو ملګرو له شهادته د پیړیو پیړیو د تیریدو سره سره نه یوازې د دغې پیښې اهمیت او موقعیت کم شوی نه دی بلکې هر څومره چې وخت تیریږی دومره د حسینی عاشورا پیغام لا پراخیږی او د عزادارۍ دستورې په لازیاتې ولولې او پوهې سره ترسره کیږی.
دتهران ریډیو درست کارکونکی په دې مناسبت د نړۍ ټولو مسلمانانو په تیره بیا تاسو خوږو مینه والو ته په دې مناسبت تسلیت او تعزیبت وایو.
