کشمیر کښې پراخ کاربندیز روان دی

د هندوستان ترکنټرول لاندې جمو او کشمیر سیمې خلکو د دغه هیواد د امنیتي ځواکونو د تلاشۍ په عملیاتو کښې د یو ملکي وګړي په وژل کیدو باندې اعتراض کښې کاربندیز کړی دی.

په سرینګر ښآر کښې د هندي پوځیانو د تلاشۍ په عملیاتو کښې د ۲۶ کلن کشمیري ځوان (سالم مالک) له وژل کیدو وروسته د جمو او کشمیر روزنیزو مرکزونو، دکانونو او د عمومي تګ راتګ وسائلو پرون د خدماتو له ورکړې ډډه وکړه.

سالم مالک د خپلو پسونو او ګډو د رمې د څرولو لپاره له کوره وتلی و چې د هندوستان د امنیتي ځواکونو د ډزو ښکار شو.

کلونه وشول چې هندوستان د خپلو زرګونو پوځیانو په دیره کولو سره د کشمیر ډیرې سیمې نیولې دي او په تیرو دریو لسیزو کښې یې لسګونه زره کشمیریان وژلي دي.