Pars Today

Ministri i Jashtëm i Republikës Islamike të Iranit tha në mbledhjen e Këshillit të Sigurimit të Kombeve të Bashkuara: Regjimi izraelit duhet të detyrohet të ndalojë përsëritjen e çdo aventure të mëtejshme ushtarake kundër interesave iraniane.

Sipas IRNA, Ministri i Jashtëm i Republikës Islamike të Iranit, Husein Amir Abdollahian, në mbledhjen e Këshillit të Sigurimit të Kombeve të Bashkuara tha: Në rast të çdo përdorimi të forcës nga regjimi izraelit dhe agresionit kundër interesave të Iranit, Republika Islamike e Iranit nuk do të ngurrojë për asnjë moment në pohimin e të drejtës së saj të qenësishme për t'i dhënë një përgjigje të menjëhershme, vendimtare dhe të fortë dhe për ta bërë këtë regjim të pendohet. Amir Abdollahian shtoi më tej: Sulmi me raketa i 1 prillit nga regjimi terrorist izraelit ndaj godinës së ambasadës iraniane në Damask tregoi se ky regjim nuk heziton të shkelë parimin themelor të imunitetit të personave dhe vendeve diplomatike dhe të injorojë Konventat e njohura të Vjenës. Kreu i shërbimit diplomatik të Iranit kritikoi gjithashtu mosveprimin e Kombeve të Bashkuara dhe Këshillit të Sigurimit në lidhje me dënimin e sulmit të Izraelit në seksionin konsullor të ambasadës iraniane në Damask. Amir Abdollahian kujtoi gjithashtu se Irani ka qenë gjithmonë një pjesë pozitive e zhvillimeve në rajon, në vendosjen e paqes dhe sigurisë së qëndrueshme, duke përfshirë luftën kundër terrorizmit dhe tha: Korpusi i Gardës Revolucionare Islamike luan një rol unik në luftën kundër terrorizmit dhe vrasja e gjeneralit Kasem Sulejmani dhe shokëve të tij në Bagdad është një dëshmi e kësaj. Ministri i Jashtëm i Republikës Islamike të Iranit, duke iu referuar zhvillimeve në Rripin e Gazës dhe duke kritikuar mbështetjen e gjithanshme të vendeve perëndimore ndaj gjenocidit të regjimit sionist në Rripin e Gazës, vuri në dukje se pavarësisht miratimit të tre rezolutat dhe një deklarate që kërkon ndërprerjen e menjëhershme të armiqësive dhe dërgimin e  ndihmave për gratë dhe fëmijët. Amir Abdollahian paraqiti gjithashtu propozime për zgjidhjen e krizës së Gazës, duke përfshirë vendosjen e një armëpushimi të menjëhershëm në të gjitha zonat e saj, heqjen e bllokadës njerëzore në Rripin e Gazës, shkëmbimin e të burgosurve, dhe tërheqjen e regjimit sionist nga Gaza.