Pars Today

Një gjykatë shqiptare thuhet se ka vendosur ndalimin e hyrjes për kryetaren e kultit terrorist anti-iranian, Organizatës Muxhahedin-E-Khalk (MEK), e cila ka vrarë dhjetëra mijëra shtetas iranianë.

Në një vendim të lëshuar në fillim të kësaj jave, por të bërë publik të enjten, Gjykata Speciale e Shqipërisë për Korrupsionin dhe Krimin e Organizuar urdhëroi autoritetet shtetërore të ndalonin hyrjen e Marjam Raxhavi në Shqipëri, njoftoi agjencia e lajmeve Tasnim. Burime të informuara, duke folur në kushte anonimiteti, thanë se vendimi erdhi pasi zyrtarët shqiptarë shqyrtuan provat e disponueshme dhe arritën në përfundimin se MEK po përdorte Shqipërinë për të organizuar sulme terroriste kundër Iranit. Sipas Tasnim, Raxhavi u largua nga kampi Ashraf-3 në qytetin perëndimor Manëz për në Francë pasi forcat e policisë shqiptare bastisën kampin më 20 qershor për shkak të angazhimit të tij në "terror dhe sulme kibernetike" kundër institucioneve të huaja. Autoritetet shqiptare konfiskuan 150 pajisje kompjuterike të lidhura me aktivitete terroriste. Kryeministri i Shqipërisë Edi Rama më vonë tha se MEK duhet të largohet nga vendi nëse dëshiron të përdorë tokën shqiptare për të luftuar kundër Iranit, duke shtuar se vendi i tij nuk ka ndërmend të jetë në luftë me Iranin dhe “nuk pranon askënd që ka abuzuar me mikpritjen tonë. ” Bashkimi Evropian, Kanadaja, Shtetet e Bashkuara dhe Japonia e kishin listuar më parë MEK si një "organizatë terroriste". Në vitin 2012, grupi u hoq nga lista amerikane e organizatave terroriste. BE ndoqi shembullin, duke hequr MEK-un nga lista e tij e organizatave terroriste.