Pars Today

Ҳамзамон бо афзоиши танишҳо миёни Русия ва Украина, ду каштии ҷангии русӣ бо гузар аз тангаи Босфор дар ҳоли ҳаракат ба дарёи сиёҳ ҳастанд.

Ба нақл аз Ройтерс, эъзоми каштиҳои Маскав ба дарёи сиёҳ бо афзоиши танишҳо бо Киев ба иллати истиқрори нерӯҳои Русия ва наздики марзи Украина ва низ ҳузури 15 каштии кӯчактари русҳо дар обҳои ҷануби Украина ҳамзамон шудааст.

Собиқаи ин таниш ба даргириҳои пас аз илҳоқи шибҳҷазираи Қрим ба Русия боз мегардад.

Дар ин ҳол робитаи Маскав бо Вашингтон ҳам, ки ҳафтаи гузашта эъзоми ду нови ҷангии худ ба дарёи сиёҳро лағв кард, ба шиддат дучори таниш шудааст.

Ҷо Байден, раисҷумҳури Амрико дар тамоси телефонии ҳафтаи гузаштаи ҳамтои украинии худ аз ҳимояти Вашингтон аз Киев дар баробари Маскав таъкид кард.

Амрико дар вокуниш ба таҳаррукоти Русия даст ба таҳрими ин кишвар зада ва ҳамчунин аз ихроҷи дипломатҳои рус хабар додааст.

Сергей Лавров, вазири хориҷаи Русия ҳам дар вокуниш ба ин иқдоми асри ҷумъа эълом кард, ки ин кишвар тасмим ба ихроҷи 10 дипломати амрикоӣ ва қарор додани 8 мақоми дигари ин кишвар дар листи сиёҳ гирифтааст.

Бештар бихонед:

• Интиқоли сомонаҳои мушакии Искандари Русия ба марз бо Украина

• Нигаронии Аврупо аз ҳаракатҳои сарҳадии низомии Русия дар марзҳои Украина

• Рӯёрӯии низомии Русия ва Украина: марҳилае ҷадид дар буҳрони Украина