Russiýanyň baş müftüsi Eýranyň lideriniň adalat we parahatçylygy ýola goýmak ugrundaky tagallalaryna ýokary baha berdi
Russiýa Musulmanlarynyň Dini Işler Bölüminiň başlygy Yslam Rewolýusiýasynyň ýokary lideriniň global ruhy we ahlak gymmatlyklaryna çagyryşynyň adalat gurmak we parahatçylygy berkitmek ugrundaky musulman däpleriniň dowamydygyny aýtdy.
IRNA habar gullugynyň rus musulmanlarynyň dini işler bölüminiň maglumat bazasyna salgylanyp beren habaryna görä, rus musulmanlarynyň dini işler bölüminiň başlygy müfti Şeýh Rawil Aýnuddin Yslam Rewolýusiýasynyň Ýolbaşçysynyň dünýä milletiniň agzybirligi üçin edýän ähli işleri we tagallalary Gudratygüýçli Hudaýň buýruklaryny ýerine ýetirmäge gönükdirilendir diýdi.
Aýnuddin şeýle-de, Yslam rewolýusiýasynyň ýokary lideri Aýatolla Hameneýe rus musulmanlarynyň dini gullugynyň, müftiler geňeşiniň, Russiýanyň 25 million musulman ilatynyň adyndan, şeýle hem rus musulmanlarynyň dini administrasiýasynyň adyndan ýüzlenip, siz abraýly we tanymal musulman şahsyýet we baý taryhyň mirasdüşeri we Yslam dünýäsiniň möhüm we täsirli bölegini görkezýän eýran halkynyň ruhy ýolbaşçysydyrsynyz diýip beýan etdi.
Rus musulmanlarynyň Dini işler bölüminiň başlygy Yslam Rewolýusiýasynyň Ýolbaşçysynyň Yslamyň mübärek dinine we musulmanlaryň bähbitlerine laýyk gelýän mynasyp we takwa tagallalarynyň dünýä parahatçylygynyň we ähli halklaryň, şol sanda musulman halklarynyň hukuklarynyň durmuşa geçirilmegi üçin esas bolmagyna umyt bildirdi.
