Çı Kanada parlamenti 2 qılə deptaton bə Ğərəboğ səfər kardən.
Bə Ğərəboğ işğal bıə məntəğə 2 qılə çı Kanada parlamenti deptaton səfəri bəpeştə Azərbaycan Respublika xarıci vəzarətxonə qıləy etıroz bəyoniyədə elanış kardə ki ım 2 qılə deptati nomi məxsus siyahiədə ğeyd bekarde.
Bə Apa aqentiyəti raporti əsos Azərbaycan Respublika xarıci vəzarətxanə sıxənəvot Hikmət Haciyev zinə elanış kardə çı Kanadavıjə ım 2 qılə depat Toni Kolman və Riçel Harderi səfər ğeyri ğanuni be ijən Buko dıvləti etırozon səbəbe.
Bə Buko dıvləti ğanuni əsos bə Ğərəboğ bandiyə məntəğə çı Xarıciyə şəhrvandon səfər ğeyri ğanuniyə ijən har kəs elan nıkarde surətədə bə Ğərəboğ səfər bıkoy çı Azərbaycan Respublika ğonuni rioyət kardəş ni.
Azərbaycan Respublika və Ermənistoni miyono mınoğişə 1988-nə soriku bino bıə ijən 1994-nə soriku və otəş basti bə peştə de siyasi roon bə bohrani həl karde xoto fəaliyəton bino bıə əmmo Minsk qrup de Amerkə, Fransə və Russiyə mıştərəkə rəisəti hələ ım problem və mınoğişə həl kardəşon ni.
