Osınə ro nəğliyatdə İron və Azərbaycan Respublika həmkarətion inkişaf.

Azərbaycan Respublika ixtisad vəzir və İron İslam Respublika osınə ro mudir,osınə ro nəğliyati baxşədə 2 qılə məmləkəti həmkarətion həxədə votımonışon dəvoni.

Bə telerədyo aqentəti zinə xəbon əsosi İron İslam Respublika osınə ro mudir Səid Muhəmmədzadə bokuədə de Azərbaycan Respublika ixtisad vəzir iyən Azərbaycan Respublika ixtisadiyə həmkarətion mıştərəkə kamisiya rəis Şahin Mustəfayevi vindımonədə osınə ro nəğliyat və coqlə ixtisadiyə məsəlon həxədə votımonışon dəvoni.

Azərbaycan Respublika ixtisad vəziri votışe:2 qılə məmləkəti həmkarətionədə mıxtəlif baxşonədə məxsusən osınəro nəğliyati sahədə de muvəfəğiyəti dəvom pəydo bəkay.

 Mustəfayevi votışe:2 qılə məmləkəti məsul şəxson səfəron mıxtəlif həmkarətion inkişaf doeədə mısbətə rolış bəbe.

İron İslam Respublika osınə ro mudir Muhəmmədzadə həm ım vindımonədə İron İslam Respublika tərəfo Şimal-cənub osınə ro koon həxədə məlumatış do və ım fəaliyəton bə nəticə rusneyu lozim bə koon əncom doe barədə işarəş karde.

eyne holədə Azərbaycan Respublika osınə ro rəis Cavid Ğurbanov və ardəvilı ostandar Əkbər Behnamco ım iclosədə İron İslam Respublika ardəvilı ostan və Azərbaycan Respublika miyonədə ticari,ixtisadi və osınəro nəğliyati həmkarətion inkişaf doe həxədə votımonışon dəvoni.