Boku bə parisi ijən çəşnaviş do.
Oct 14, 2018 11:04 Asia/Tehran
Azərbaycan Respublika xarici koon vəzorətxonə Fransə 2 qılə şəhri meri bə Ğərəbaği bandə məntəğə səfər karde xoto bə parisı rəsmi şəxson xəbərdarətiş do.
Bə Aran xəbon əsosi Azərbaycan Respublika xariciyə koon vəzorətxonə sıxanəvot Leyla Əbdullayeva cumə ruji Fransə Alforoyl və Valans şəhron meron bə Ğərəbaği bandə məntəğə səfər kardeş məhkum karde və ım hərəkətış beynəlxalğə ğanonon ləğv kardeku və Azərbaycan Respublika iyən Fransə miyonədə təşkil bə roziyətionku bə kənoş zınə.
Leyla Əbdullayeva Ğərəbaği bandə məntəğə munağişə həl kardeyu Avropa əmniyyət və həmkarəti təşkilati Minsk qrupədə bə Fransə arə dəşe işarəş karde və votışe:ım hərəkət bə Azərbaycan Respublika və ermənistanı munağişə həlli komək nibəkay.
