Çe azərbaycanıjə zəvvaron Yolə Ərbəin şemonədə iştirak

Ərbəini mərasim Məhərrəm və Səfərə manqon əzadarətiədə Aşura matəmi bəpeştə ən mehtəşəm qıley tədbire. Çe dınyo bənə co mısılmonə məntəğon, Az.R Əhli-Beyt (ə) məktəbi tərəfdaron bə ım əzəməti umjən qınie ro bə Kərbəlo dəro qınidən.

“İslamazeri.com” xəbə dodə ki, Ərbəinə şemonədə iştirak karde ro bə İroni Hostoro sərhəd məntəğə tosə oktyabri 16- minə ruji 12 həzo zəvvar daxil bıə. Çəvon arədə çe Rusiyaku omə zəvvaronən hestin. Həmən ımsor çe Hostoro marziku ovaştə zəvvaron miğdar bə ponə sori nisbətədə 25% ziyod bıe proqnoz dodən. Həcc və Ziyarətə Təşkilatiən elan kardəşe ki, Ərbəinə şemonədə iştirak karde məğsədədə bıə odəmon miğdar 1 milyonisən dəvardə.

İraği Daxili Koon vəzir Ğasım əl-Əraci İroni İrağədə səfir de İrəç Məscidi didorış bıə, əvon İmam Huseyn (ə) Ərbəinə mərasimədə həmkarəti, zəvvaron muhafizə və əmniyyəti məsəlon muzakirə kardəşone.

İraği Xalqi Məraminə ğıvvon, İraği Zi-Qar əyaləti rolisə patrulə dastə`on bəyon kardəşone ki, Ərbəini zəvvaron dəvardə roon tamamən bə nəzarət peqətəşone, ıştə həmkaron bə çəvon marşruton dəğandəşone.

“Maide.az” saytən bə ABNA istinadən Kərbəlo şəhəri polis şebədə 10 həzo nəfər mokib və xidmət qrupi çe ğeydiyyato dəvarde həxədə bə əhandon xəbə edaştəşe. Kərbəlo əyaləti sərdar Əqil əl-Turəihi votəşe ki, ım sor Kərbəloədə 12 həzo nəfər, və 10 həzo mokib çe zəvvaron xidmətədə bəmanden. Bepilotə həvopeymaon çe həvoku bə ətrofi nəzarət bəkarden.