Qeneral Səfəvi: Pakiston oğo bıbu ki Səudi hukuməti Umər dəvom nibəvarde.
İroni Yolə Rəhbəri ali mışovir bə terroristiyə qruponku Pakistoni himoyəon işorəş karde və votışe: Pakiston oğo bıbu ki Səudi hukumət dəvom peydo bəkay.
Bə İrna raporti əsos Qeneral Rəhim Səfəvi İsfəhanədə votışe: Avropa kə 16 qılə təhğiğiyə mərkəz qıləy sənədi vasitə elanışon karde ki detosə Miladi 2030 dınyoədə Səudiyə rejimiku əsər və nışonə ni və İron çı məntəğə vey zumandə kişvər bəbe.
Əv bə Sistan ostani şəhidon təşyie cənozə mərasimi əzəmət işorəş karde və təkidış ka: İ Bıə Milləton Təşkilat həm məcbor be İronədə terroristiyə hadisə məhkum bıkə.
Ğeyd kardə nine ki Pakistoni sərhədədə Ceyşolzılm nomo bıə terroristiyə qrup ki İroni sərhəddiku dəvardə bəpeştə İroni Sistan və Bəloçıstan ostani Xaş məntəğədə 27 nəfər çı İroni sepah ğıvvon şəhidış kardə de Ərəbiston və Amerkə Puli və silohinə koməkon fəaliyət kardedə.
Tojədən Pakistoni alimon cəmiyyəti yol "Pira Ecaz Əhməd Haşımi" həm Səudiyə Ərəbistoni vədə çı Pakistoni dıvləti siyasəton tənğidış ka və votışe: Pakistoni millət həm de Əlriyad dustanə əloğə və rabitəon təsdiğ kardedə nin.
Zinə çı Sepah təşkilati zəminə ğıvvon fərmondə qeneral Pakpor həm elanış karde ki İroni sərhəd ğıvvon şəhidəkə amil və çəy 2 nəfər həmdaston çı Pakistoni şəhrvandon bin ki i nəfər fərorış karde.
