Ğərəboği obdonəkə planonədə İroni işterak.
Azərbaycan Respublikaədə bıə İroni səfir iyən Boku dıvləti iğtisadi bəzi rəsmi şəxson Ğərəboği obdonəkə planonədə İroni işteraki barədə muzakirə kardışone.
Bə İrna raporti əsos, seyd Əbbas Musəvi zinə həminə muzakirəonədə çı İroni şirkəton və kompaniaon ğabiliyyəti barədə raportış do ıyən Ğərəboği tojə ozod bıə ərazi obdonəkə planonədə İroni muhəndısi zərfiyəton iyən muvəffəğə təcrobəonku istifodə kardey təklifış do.
2 tərəf Tehron-Boku miyono bıə 2tərəfi iğtisodi əloğəon iyən nakonə həmkari muğaviləon barədə həm sohbət və muzakirə kardışone.
Azərbaycan Respublikaədə bıə İroni səfir çimi bənav həm Ğərəboği obdonəkə planon qıləy erjinə fırsət bə hisob vardəş be iyən qıləy mısohibədə ğeydış kardə be ki Ğərəboği tojə canqədə İroni məvğiyət qəte bəpeşt, ısət əloğəon bə tojə mərhələ varid bıə ki ım səthədə bıə həmkari karde bəzne Ğərəboği canqi nəticədə zion vində məntəğəon obdon karde meydon və loihəonədə vey komək bıko.
Musəvi bə Ğərəboği obdon karde planonədə Azərbaycan Respublika 10 milyard dolar sərmoyə noe ki tosə 5 sori mıddət bəpe əncom bıbu işarəş kardə be iyən izhorış karde: Boku dıvlət fəğət ımsor 2 milyard dollar Ğərəboği loihəonədə sərmoyə noeş pidə.
Azərbaycan Respublika prezident tojədən dustə kişvəronku tələbış karde ta Ğərəboği məntəğə ozod bıə sərzəminon obdon kardeyro fəaal və mısbət işterak kon.
Tosə bə ısət çand qılə muğavilə və həmkari saziş Ğərəboğədə obdonəkə poryekton royədə dəbastə bəy, xususi roon barədə.
Ğərəboğədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston Noyabri 10 ım dıvrə canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.
Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.
