Tehron və Boku ixtisadiyə həmkarətion inkişaf doeyu İlham Əliyevi rizoyət.
Azərbaycan Respublika president ım məmləkət və İron İslam Respublika miyonədə siyasi və ixtisadiyə həmkarətionış bə 2 qılə məmləkəti xəyrış zınə.
Boku şəhriku bə telerədyo aqntəti elanon əsosi Azərbaycan Respublika president İlham Əliyev zinə Boku şəhrədə de ironi ğərbi azərbaycan ostani ostandar Ğurbanəli Səadət təşkil doə vindımonədə votışe:Azərbaycan Respublika və ironi bə inkişafi tərəf şə əlağon həmmə baxşonədə məntəğəyu həm muhimmə məsələy.
Əliyev bə İron və Azərbaycan Respublika rəsmi şəxson 2 tərəfə səfəron səfəron əhəmmiyyəti işarəş karde və votışe: yəğin heste ki ğərbiyə azərbaycan ostani ostandar və dəy həmro bə heyəti səfər bə ım məmləkət bə Tehron və Boku əlağon zumand karde komək bəkay.
ironi ğərbiyə azərbaycan ostani ostandar həm həminə vindımonədə sənaye ticarət və di təsərrufati baxşonədə bə ım ostani ğıvvə iyən imkanon işarəş karde və bə Boku təşkil doə səfəri hədəfış İron və Azərbaycan Respublika prezidenton təvafuğnaməon domo qəteş zınə.
Ğurbanəli Səadət de Azərbaycan Respublika həmkarətion inkişaf doeyu bə ironi ğərbiyə azərbaycan ostani xususiyə baxşi hozzı mande işarəş karde və votışe: turizm di təsərrufati fəaliyyəton iyən elmi və texnoloqiya həmkarətion rost kardeyu çokə şərayeton hestin.
ironi ğərbiyə azərbaycan ostani ostandar Ğurbanəli Səadət pəynə qıləy 21 nəfərə ixtisadiyə heyəti sədrədə bə Azərbaycan Respublika qıləy 4 rujə səfərış təşkil doə.
ğərbiyə azərbaycan ostani ostandar və dəy həmro bə heyət bə Azərbaycan Respublika təşkil doə səfəri 1 minnə ruji Nəxçivoni muxtar respublikaədə de ım muxtarə respublika aliyə məclisi rəis Vasif Talibovi vindımonış dəvoni.
