Ermənistoni parlamentədə Ğərəboği Muxtar Respublika prezidenti sıxanon.
Ğərəboği Muxtar Respublika prezident çı Azəri hərbion tojə həmləon barədə bə Erməniyə deptaton raportış do.
Bə rəsə xəbon əsos, Araiik Harotiniyan bə Azərbaycan Respublika həmləon ğeyri insuni və anti bəşər həxon nəticə işarəş karde və Erməni deptatonku tələbış karde ki ın həmləon sə kardey və məntəğədə oromə stabilə şəroyeti icod kardeyro cəhd kon.
Ğərəboği Muxtar Respublika prezident əlovəş karde ki bəşər həxon tərəfo çı Azəri hərbiçion hələ təsdiğ bıə iyən çand nəfər çı Ğərəboği əholi həm Parox məntəğədə zəxmin bıən.
Tojədən Rusiyə həm Azərbaycan Respublika hərbiçion anti Erməni həmləon ki Ğərəboğədə dəvom kardeydə məhkum və çəyku tənğidış karde ki boçi Azərbaycan Respublika tərəfo 3 tərəfə sulh muğavilə maddon rioyət nibəbe.
Bə Ğərəboği muxtar Respublika məlumat ərosnə mərkəzi tojə raporti əsos, Azəri hərbion tojədən bə Ğərəboği Parux məntəğə həmlə kardəşone ki de sulhmərominə ğıvvon əməliyoti dim bə dim bıə.
Jığo vote bıdə ki həminə həmlə nəticədə 14 nəfər çı Ğərəboği bandiyə məntəğə hərbiçion zəxmin bıən ki çəvonku 2 nəfəri hol-əhvol çok ni.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod
