Prezident Ruhani rəsmiyə holətədə bə İlham Əliyevi və beşı.

İron İslam Respublika president ımruj tehroni Sədabad nomo bıə mədəni-tarixiyə mərkəzədə de rəsmiyə holəti bə Azərbaycan Respublika prezidenti və beşı.

İron İslam Respublika president Həsən Ruhani və Azərbaycan Respublika president İlham Əliyev 2 qılə məmləkəti himni məse bəpeştə meydonədə bıə  ğıvvon vəyku dəvardin və çı mərasimi bəpeştə president Həsən Ruhani və İlham Əliyevi 2 tərəfə votımon mərasim təşkil be.

Azərbaycan Respublika president İlham Əliyev ımruj bə Tehron daxil bə.

İlham Əliyevi bə Tehron təşkil doə səfər dəvardə 3 sori muddətədə çəy 3 minnə rəsmiyə səfər bə İron hisob omedə.

ğəror heste ki Azərbaycan Respublika prezidenti bə Tehron təşkil doə səfərədə İron və Azərbaycan Respublika prezidenton tojə həmkarətion barədə muzakirə kardeədə muhimmə mıştərəkə planon icra karde surət doeyu əcumlədə dəmon iyən maşin soxte zavodon həmçinin şimal-cənub osınə ro plani bə nəticə rusneyu muzakirə bıkən.

İron və Azərbaycan Respublika rəsmi şəxson dəvardə soronədə 120 qıləsə ve həmkarəti muhimmə sənədonışon  imza kardə.