Boku iyən İrəvani miyono daveon dəvom

Azərbaycan Respublika xarıci vəzir iddioş kardə, Erməniston və Azərbaycan Respublika marzonədə sulhi muzakirəon dəvom doey və "nəzorət vırə" icod kardeyro, Boku təklifon Ermənistoni tərəfo ğəbul nıbıə.

De ım vucud ki Munhen əmniyyəti konfransiya kənoədə, və de Amerkə xarıci vəzir Antoni Belinken, Azərbaycan Respublika iyən Ermənistoni yolon oxonə 3tərəfiyə iclos de bə sulh dast peydo kardey və muzakirəon bə nav şey hədəfi bərpo bıə be, əmmo Boku iyən İrəvan həmçınan ixtilofi xətədə hərəkət kardedən.

Dəvardə sori Dekabrə manqi 12 minnə rujədə, Azərbaycan Respublika hərbiçion səmtiku bandiyə Ğərəboği məntəğədə Laçin koridor dəbastey, İrəvan və Buko daveon har çəxtə nığıləti bois bıə. Laçin koridor dəbasteyədə, Azərbaycan Respublika hərəkət bois bıə ki həminə məntəğə Ermənion de xorək və sutemoni kam bey dim bə dim bıbun, Laçini dəvardəço dəbastey, Erməniston və bəzi kişvəron şiddətinə reaksiya bois bıə.

Bə Fars aqentiyəti raporti əsos, de Buko iyən İrəvani miyono daveon əlovə bey vucudi Azərbaycan Respublika xarıci vəzir Ceyhon Bayramev Ermənistoni mıttəhəmış kardə ki  sulh muzakirə barədə və Ermənistoni ictimaədə və Ğərəboği Ermənion dəçokney barədə, Azərbaycan Respublika təklifon rədış kardə.

Dəvardə haftədə məhkəmə  beynəlxalğə təşkilot Azərbaycan Respublikaku tələbış kardə ki Laçin koridorədə mucudə maneon peqətə bıbu, həmonə koridor ki bandiyə Ğərəboği məntəğə və Ermənistoni rabitə coyləti caddəy.

Zinə İ Bıə Milləton təşkiloti sıxənəvot, Stefan Docarik, bəyonış kardə ki məhkəmə beynəlxalğə təşkiloti ğərolon zərrurie əv ijən bəyonış kardə ki Laçin koridorədə bəpe nəğliyot və şəxson şe-omeyro lozimə hərəkəton əncom bıbu.

Holəndiya xarıci vəzarətxoə həm zinə Laçin koridori barədə məhkəmə beynəlxalğə təşkiloti ğəroli icro bey lozim zıneydə.