Kənani Çafi: bəpe Azərbaycan Respublika millət, sionist rejimiku tarsış bıbu nə İroniku

İroni xarıci vəzorətxonə sıxənəvot bə İroni səfəro, bə Azərbaycan Respublika ətba ım kişvəri nota reaksiyaədə votıeş: İroni kişvər sivilasiya və islomi be və ə çi ki bəpe Azərbaycan Respublika milləti çəyku tars bıdən, sionist rejime.

Azərbaycan Respublika xarıci vəzorətxonə, İroni vədə ıştə ğeyri dustanə və ğeyri constraktivə hərəkəton dəvomədə bə ım kişvəri ətbae notaş do ki bə İron səfə nıkon və əvonku tələbış kardə ki bə İron ıştə ğeyri zərruri səfə vəey bıqəton.

Həminə xəbə dumoədə, zinə İroni xarıci vəzorətxonə sıxənəvot, Nasır Kənani Çafi bə Azərbaycan Respublika hərəkət reaksiya nışoş do və qıləy Tıvittədə nıvıştəşe: Azərbaycan Respublika vəzorətxonə bə İron, ıştə şahrvandon səfə nota doşe. Im həmonə siyosəte ki sionisti işğolçi, hırdən əkışt və pesoxtə bıə rejimi yol, bə Boku ıştə oxonə səfədə əncomış do.

Kənani Çafi ijən təsdiğış kardə: İroni siyosət ijən viza botil kardey və bə Azərbaycan Respublika bıvəon və hovəon dim və oj kardeye.

İroni xarıci vəzorətxonə sıxənəvot ijən bə hamsuyəti siyosəti dəvom bənə İron İslom Respublika iminnə koon təkidış kardə, həlbətə hamsuyəti ənənon rioyət kardey və mıtəğabilə ehtırom noey çərçivədə.