Ğərəboği Ermənionro Əliyevi təklif

Azərbaycan Respublika prezdent de kali vəədəon iyən sıxənon vositə, Ğərəboği məntəğə sakin bıə Ermənion tələb kardəş ki Azərbaycan Respublika bənə vətən ğəbul bıkon.

Milodi 2020 minnə sorədə Ğərəboği 44 rujə canq de Rusiyə vositəçiyəti iyən otəşbasti sazışon imzo kardey sə bıə be, ım bəyoniyəon bə 3tərəfiyə bəyoniyəon məşhur be.ım canqi oxoədə İrəvan Ğərəboğiku çand baxş bə Azəri tərəfo mənafe əsos ıştə dastiku doəş be.

Bə İsna raporti əsos, Azərbaycan Respublika prezdent, İlham Əliyev Ermənistoni rəsmi şəxson bə du votey iyən həğiğəti təhrif kardey mıttəhəmış kardə iyən votışe: Ğərəboği Ermənion bəpe ıştən Rəhbəri tərəfdor məbun.

Azərbaycan Respublika prezdent ijən iddioş kardə ki Ğərəboği Ermənionro təlim, mədəni, məzhəbi iyən şahrvandi huğuğ icod bəkay və əvon normal jimon soyb bəben.

İyuni oxoədə Rusiyə xarıci vəzir Seqey Lavrof de Azəri iyən Erməni xarıci vəziron votımoni bəpeşt əlovəş kardə: Azərbaycan Respublika hozzoe ki Ğərəboği Ermənion həxon barədə kali qarantiyaon iroə bıdə.