İron İslom Respublika milli əmniyyəti ali şura sərkatib: məntəğə qeopolitikədə harcurnə əvəzon, bə bestabiləti iyən behroni ziyod bıey boyis bəbe

İran Peres: İron İslom Respublika milli əmniyyəti ali şura sərkatib de Ermənistoni milli əmniyyəti şura sərkatibi vindemonədə məntəğə qeopolitikədə harcurnə əvəzon, noəmnəkə və be stabiləti iyən behrani əlovə kardey boisəkə zınəşe.

Bə İranPeres aqentiyəti raporti əsos, Ermənistoni milli əmniyyəti şura sərkatib ki bə Tehron səfərış kardə, zinə İşəmbə zuhr de İron İslom Respublika milli əmniyyəti ali şura sərkatib və Rəhbəri Yolə məğomi nımoyəndə Əli Əkbər Əhmədiyan vindemon iyən 2tərəfi koon, Ğəfğazi məntəğə təhəvulaton iyən beynəlxalğə məsələon barədə deyande votımonışon kardə.

Im vindemonədə Əhmədiyan de işorə bə Ğəfğazi məntəğə oxonə təhəvulaton və məntəğədə əmniyyət və oroməti icod beyro həmmə tərəfon cəhdon zərurət təsdiğış kardə: məntəğə qeopolitikədə harcurnə əvəzon be stabiləti iyən behron əlovə kardey bois bəbe.

İroni milli əmniyyəti ali şura sərkatib ijən təkidış kardə: de hamsuyəon rabitə bərğəror kardey iyən həmkoəti inkişof kardeyədə və məntəğə oromətiro İron İslom Respublika prinsipi siyosət əvəz nibəbe, əv ijən votışe: məntəğə kişvəron miyono konstraktiv iyən ğoymə votımonon stabilə əmniyyət, balansə inkişof iyən məntəğə milləti rifoh iyən oromətiro zəminə icodəkəy.

Im vindemonədə ijən Ermənistoni milli əmniyyəti şura sərkatib Armen Qriqoriyan həm de işorə bə 2 qılə kişvəri kanə rabitəon de İron İslom Respublika rabitəon həmmə tərəfiyə inkişofiro İrəvani hozzoəti elanış kardə.