Tırkiyə, Ğəzzədə sioniston cinoyəton məxfi kardeyro ğərbi mediyaonku tənğidış kardə
Tırkiyə prezdenti kamiunikasiya mərkəzi sədr, de sionist rejimi vositə, Fələstinıjon ğətli-ami məxfi kardeyədə, ğərbi mediyaon be həyo və bovə nıkardəninə cəhdonku tənğidış kardə.
Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.
Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 10 həzoku vey əlovə bıə ki ım miğdoriku vey jenon və hırdənonin. ğeyri hərbion ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.
Bə Anatoli aqentiyəti raporti əsos, Dışəmbə rujədə İstanbulədə Tırkiyə prezdenti kamiunikasiya mərkəzi sədr, Fəxreddin Alton votışe: ğərbi mediyaon bovə nıkardənin və be həyoə ko ncom dodən ta bə Fələstinıjon ələyh israili ğətli-am dınyo umumi fikon diğğətiku diyəro ğəror bıdən.
Alton ijən əlovəş kardə: Ğərbi mediyaon ım şərrə ko ki həmmə bəşəriyəti vijdoni bə dardış vardə, torixi yodiku nıbəşe.