İroni səfir de Azərbaycan R. iminnə vəziri muavin məşvərətış kardə

Azərbaycan R. ədə İroni səfir iyən ım kişvəri iminnə vəziri muavin muxtlifə baxşonədə 2tərəfiyə təvafuğon icro bey barədə deyande vindemon və votımonışon kardə.

Bə Təsnim aqentiyəti raporti əsos, Azərbaycan R.ədə İroni səfir, Seyd ,Əbbas Musəvi de Azərbaycabi iminnə vəzir və 2 qılə kişvəri iğtisodi kamissiya Azərbaycani sədr, Şahim Mustəfayev həmkoəti muxtəlifə baxşonədə xususi enerji və nəğliyot mıştərəkə planonədə deyande məşvərət kardışone.

İğtisodi həmkoəti təşkiloti (EKO) 16minnə iclosi kənoədə ki dəvardə haftə Daşkəndədə bərpo bıə, İron İslom Respublika prezdent, Seyd İbreym Rəyisi de Azərbaycan R. prezdent İlham Əliyev vindemon və muxtəlifə baxşonədə Tehron-Boku həmkoətiyon hevujəti barədə deyande votımonışon kardə.

Rəyisi 2 qılə kişvəri rabitəon inkişofiku ıştə rizoyəti elanış kardə və Azərbaycan R. ərz təmamiyyətiku əcumlə Ğərəboği barədə bə İron İslom Respublika himoyə təkidış kardə. və ım məntəğə tojədən obod kardeyro bə həmkoəti və texniki-muhəndesi xıdməton əncom doeyro İroni hozzoəti elanış kardə.

İron İslom Respublika prezdent məntəğə problemon peqəteyro 2 qılə kişvəri təvafuğonku ıştə rizoyəti elanış kardə və Azərbaycan R. bə Nəxcəvani Respublika dəçokney cəhəto, bə Ağbənd roy har çəxtə komil kardey təkidış kardə və votışe: de deşmonon tələbi əks, İron İslom Respublika iyən Azərbaycan R. rabitəon bə inkişof şey cəhətədəy və 2 qılə kişvəri deşmonon xəbisə planon de məğlubiyəti bə icoe.