Tırkiyə səmtiku sionist rejimi tojə cinoyət məhkum bıə

Tırkiyə xarıci vəzorətxonə, Cənin avarə bıə kəmp ya orduqohədə  sionist rejimi təhrikomizə hərəkəton məhkumış kardə.

Seşəmbə rujiku sionist rejimi hərbiçiyon bə Cənin şəhr ıştə həmləon binoşon kardə. Sioniston, çand nəfər Fələstinıjon bə şəhodət rosnişone və çand nəfər co qılə şahrvandon həm zəxmin kardışone.

Çoşəmbə həm sionist rejimi hərbiçiyon de bə Cənin kəmp həmlə kardey vositə, çəy strukturon xərob kardışone və bə ım şəhri şahrvandon və çəy kəmpi ti ğandışone.

Im həmlə  de veyə kişvəron reaksiya əcumlə Tırkiyə reaksiya dumoəti bə ico be.

Bə TRT nomo Rədio-Televeziya şəbəkə raporti əsos, Tırkiyə xarıci vəzorətxonə Onco Keəçeli sosiyal kanalədə nıvıştəşe: israili hərbiçion təhrikomizə koon ki bə Cənini pənohəndəon həmlə kardəşon be və bə məçiton be ehtıroməti kardəşon be, de şiddətin məhkum kardedəmon.

Tırkiyə ım rəsmi şəxs ijən təkidış kardə: bə qədə şəhron sakin bıə kəson terrori xoto, israili əmniyyəti ğıvvon şiddətinə həmləon və təziğə hərəkəton vey bıdə.

Tırkiyə xarıci vəzorətxonə sıxənəvot ijən əlovəş kardə: əmə intizorımon heste ki şərği Ğuds iyən ğərbi sahilədə bə mısılmonon muğəddəsə vırəon həmlə kardey təcili bəpe sə bıbu və ım təhrikomizə hərəkəton de şiddətin bəpe cəzo bıbu.