Tırkiyədə Mossadi cəsusiyə şəbəkə dastqirəti

Qıləy cəsusiyə şəbəkə ki bə sionist rejimi cəsusi təşkilat məxsus be, Tırkiyədə kəşf iyən çəy uzvon dastqir bıən.

Zinə Tırkiyə mediyaon elon kardışone bə İstanbuli prokurori hıkmi əsos, qıləy bə sionist rejimi cəsusiyə mərkəz məxsus bıə təşkilati, ki ım kişvərədə xarıci şahrvandonku cəsusi kardey dumoədə bin, dastqir bıən.

Im qrup ki çəvon mğdor 46 nəfər elon bıə, və tosə ısət 33 nəfər çəvonku dastqir bıən, kali şəxson kəşf, təğib və dızdi əncom doşone.

Im əməliyot, İstanbuli 8 qılə məntəğədə və 57 qılə adrısədə və de İstanbuli polis və əmniyyəti ğıvvon səmtiku əncom bıə və co qılə şəxson dastqir kardey həm ım əməliyoti dəvomədə ğərorış qətə.

Dəvardə sori Mayə manqədə Tırkiyə kəşfiyot təşkilot həm de Mossad vabəstə bıə şəbəkə ki Tırkiyə sakin bıə Ərəbon və Fələstinıjonku cəsusi və məlumaton qırd kardeu holədə bin, zıney və məhvış kardə be.

Im dosye vey muhimmə mıttəhəm, qıləy Tırkiyədə sakin bıə ərəb be ki məsuliyətış be ki əmniyyəti cəhəto bə Mossadi mevzuon həmləro veyə imkanaton təğib bıko və peşo terror bıko.