AİŞ və İngiltərə bə Yəməni bıə hucumi çe Çin iyən Tırkiyə nışon doə reaksiyə

Amekə və İngiltərə bə Yəməni rəketə hucum de Çin və Tırkiyə reaksiyə və etırozi bəico bıə.bə AİŞ Hərbi Həvo Ğıvvon Komandanəti doə məlumoti əsos,Hərbi Həvo Ğıvvon de bumiyə vaxti cımə ruji sıbi zəmonədə bə Yəməni Milli Ləşkəri 16 Ğərargo de 100 qılə idorə bıə raketi 60-iku ziyodə hədəfi hucum kardeyış bəyon kardə

 Amekə və İngiltərə bə Yəməni rəketə hucum de Çin və Tırkiyə reaksiyə və etırozi bəico bıə.bə AİŞ Hərbi Həvo Ğıvvon Komandanəti doə məlumoti əsos,Hərbi Həvo Ğıvvon de bumiyə vaxti cımə ruji sıbi zəmonədə bə Yəməni Milli Ləşkəri 16 Ğərargo de 100 qılə idorə bıə raketi 60-iku ziyodə hədəfi hucum kardeyış bəyon kardə. AİŞ və İngiltərə ın hucumon de mıxtəlifə məmləkəton,min cumlədən İron İslom Respublikə, Rusiyə, İrağ, həmçinin Çin və Tırkiyə və de AİŞ Konqresi bəzi uzvon reaksiya və etırozi dimbədim omə.bə İRNA məlumoti əsos;Çini Xarici Koon Vəzərotxonə sıxanəvot Mao Ning çe AİŞ və İngiltərə bə Yəməni çandə qılə şəhri hucumi bədiqə Çini Sıə dıyoədə behroni ziyodətiku narahat bıeyış elon kardə.Tırkyə prezdent Rəcəb Tayyib Ərdoğan həm çe Amerkə və İngiltərə bə Yəməni raketə həmlə məhkum kardə holədə,ın hərəkətış bənə çı zuku həddiku ziyodə istifodə kardeyış zınə.Ərdoğani votəşe ki,Amerkə və Britaniyə Sıə dıyo bə xuni dıyo peqordıneyro səy kardedən.çı Tırkiyə prezdenti ıştə bəyonaton coqlə vırədə bə seonist rejimi Haağa Beynəlxalğı Məhkəmədə mıhokimə kardey işorə kardə holədə əlovəş kardə:de təğdım bıə ın sənədon seonist rejim məhkum bəbe.