Ğəzzə canqiku 100 minnə rujədə, bə israili cinoyəton ələyh Pakistoni aksiyaon

De Ğəzzədə sionist rejimi canqi 100 minnə ruji həmzəman, Pakistoni mısılmonon Kraçi şəhrədə de Fələstini vəhdət icod kardey, yolə aksiya bərpo bıə ki ım mitinqədə etırozkəyon sionist rejimiku Amerkə himoyəon və sioniston vədə ğərbi sukuti məhkumışon kardə və Ğəzzə tanqədə daimə otəşvəsi tələb kardışone.

Zinə İşəmbə de Ğəzzə millət vəhdət və hambasteqi aksiya de Pakistoni islomi ictima partiya həmkoəti bərpo bıə, ım aksiya ki bə Fələstiji milləti ələyh 100 minnə rujədə bərpo bıə, Pakistoni etırozəkəyon de bə Amerkə marq bıbu və bə israil marq bıbu, ləbbəykə ya əğsa sədon vositə, bə Ğəzzə bemudafiə milləti ələyh sionist rejimi vəhşiyə bombardımoni dəvomi vədə, beynəlxalğə assembeliyaon sukutiku ıştə vızməti və nifrəti elon kardışone.

Im aksiyaonədə ijən nıtğəkəyon Ğəzzədə sionist rejimi cinoyəton vey rə oqətey, israiliku moli və silohinə himoyəon Amerkə və çəy mıttəfiğon bə dumo kırniye, Ğəzzə məzlumə milləti nicot doeyro qlobal ictima ciddi qəmon peqətey və təcili otəşvəsi icod kardey tələb kardışone.