Azərbaycan Respublikaədə ımruj Rujə İd elan bıə.
Jun 26, 2017 14:39 Asia/Tehran
-
Har sor de Rujə İdi həmzəman Azərbaycan Respublikaədə 5 ruj təətile.
Azərbaycan Respublika Ğəfğaz Mısılmonə Ruhanion İdorə ımrujış bənə Şəvvalə manqi i və Rujə İd elanış kardə.
Bə İrna raporti əsos Ğəfğaz Mısılmonə Ruhanion İdorə sədr de diğğət bə ım kişvəri Mili Elmon Rəsədxanə raporti əsos Mayə manqi 27 minə ruji bənə Şəvvalə manqi i və Ruje İdi unvan elanış kardə.
Xəbə omə ki çın kişvəri mısılmonə cəmaəton məçitonədə Rujə İdi nımoji handışone ijən çandə İronıjon həm Bukoədə Əhli Beyti İsmət və Təharət(ə) husseyniyədə i manq ruje qəte bəpeştə Fitrə İdi nımoji iğaməşon kardə.
Azərbaycan Respublika kişvəri mıstəğil bəy faxtiku Rujə İd bənə co dini və milliyə idon unvan əcumlə Ğıbon və Nəvuzə İd, rəsmi surətədə təətil elan bıə.
Har sor de Rujə İdi həmzəman Azərbaycan Respublikaədə 5 ruj təətile.
