İron və Azərbaycan Respublika prezidenton bə həmkari və əloğəon inkişof doe təkidışon kardən.

İroni prezident votşe: İron və Azərbaycan Respublika bo iğtisodi, elmi, ticari və təhğiğiyə həmkari iyən rabitəon hevuj kardeyro vey zərfiyəton xıvandin ki bəbe ım fırsətonku bə 2 qılə milləton mənafe aid istifodə kəmon.

İroni prezident zinə Astanədə çı İslami Həmkari Təşkilati elm iyən texnoloqiya iclosi kənoədə Azərbaycan Respublika prezidenti mulağat karde cərəyonədə əlovəş kardə: Şimal-Cənub tranzitiyə xətton komil karde kənoədə 2 qılə kişvəri miyono mıştərikə ğətariyə xətti komil karde ne inki, İron və Azərbaycan Respublika miyono həmkari və əloqəon inkişof bois bəbe bəlkəm bo məntəğə həmmə kişvəronro həm foydəş heste.

Ruhani təsdiğış kardə: İron və Azərbaycan Respublika bəbe enerji iyən nati vıjori vəziyəti çok karde xoto bo mıştərikə həmkarionro cəhd bıkon.

İroni perzident ijən terrorizmi bo məntəğə və dınyoro qıləy umumiyə bıhron hisobış kardə iyən təkid kardə: Məntəğədə bo terrorizmi rişə bırniyero bəbe əmniyətiyə bərnamon kənoədə, dəvardə zəmononku vey iğtisodi, mədəni iyən mıştərikə həmkarion əncum bıbu.

Azərbaycan Respublika prezident İlham Əliyev həm dəvardə 4 sori mıddətədə bə 9 kərə İroni prezidenti mulağat karde işorəş kardə iyən votşe: Azərbaycan Respublika muxtəlifə sahəonədə əcumlə iğtisod, 2tərəfiyə sərmoyə noe, ticarət və co baxşonədə de iron həmkari iyən əloğəon inkişof doero vey həvəsış heste.

Azərbaycan Respublika prezident həmçınin əlovəş kardə: bo məntəğə həmmə kişvəronro terrorizm qıləy mıştərikə təhdide və əmə de terroriston mubarizə bardeyro İroni komək iyən de iron həmkari karde pidəmone.