Şərh - Parstoday

Şərh

Bokuədə “Diqlas” ticariə mərkəz kulət bıe.

Mar 31, 2019 06:01

Marti 26-minə riji “Diqlas” ticariə mərkəz ki, çe Boku Nizami rayoni əraziədə vırə qətəşe, zumandə otəşsuzi nəticədə kulət bıe. “Report” İA xəbə dodə ki, ım Mərkəzi 17559 kv.m sahəş heste ki, FHV Otəşhəmuşəkə Xidməti həmkaron çəvədə 275 kv.m hissə çe otəşiku muhafizə karde zınəşe.
Az.R-də çe İroni 1 həzo qılə muəssisə fəaliyyətış heste

Mar 30, 2019 05:50

İroni de Az.R arədə iğtisadi, ticari və humanitar sahədə həmkarəti əlağon sorbəsor zumand bedə, inkişaf kardedə. Marti 14 və 15-minə rujonədə Bokuədə ım devləton arədə iğtisadi biznes-forum dəvarde.
Boku hokuməti nat və ğazi idxal xeyli ziyod kardəşe

Mar 30, 2019 05:47

Az.R Devlətə Kemrukə Komitə ıştə ımsornə bə yanvar-fevralə manqon dair hesabatədə elan kardəşe ki, bı muddətədə bə xaric 5,78 milyon ton nat, 2,2 milyard kub metr ğaz ixrac kardəşone ki, bə ponə sori nisbətədə nati ixrac 58% , ğazi ixrac isə təğribən 10 kərə ziyod bıə.
Rusiya tolışon Nəvuzə id ğeyd kardışone

Mar 28, 2019 04:44

Har sor dınyo bənə co keşvəron Rusiyadən Nəvuzə idi devləti səviyyədə ğeyd kardedən. İyo jimon kardə tolışon de ıştə ictimaiə təşkilaton vasitə ım idə tədbironədə fəal iştirakşon bedə.
Az.R təhlilqəron İlham Əliyevi əfv sərəncomi barədə nəzəron

Mar 28, 2019 04:34

Prezident İlham Əliyevi i ğism məhkumon əfv karde barədə doə 16 mart tarixinə sərəncom ıcət çe Respublika cəmiyyəti diğğəti mərkəzədəy. Meydan TV bə ım sərəncomi kali siyasi təhlilqəron fikir bə əhandon rosniəşe.
Prezident İlham Əliyevi 431 nəfər məhkum əvf kardışe

Mar 28, 2019 04:29

De Nəvuzə İdi munasibəti prezident İlham Əliyevi 431 nəfər məhkum əfv kardışe. Çəvonədə 399 nəfər ıştə əmandəynə zindonə cəzo kəşeku, 12 nəfər cərimə cəzoku, 11 nəfər şərti çəzoku, 3 nəfər islahə koonku, 1nəfər ictimaiə koon icraku azad bıən. 3 nəfəri umrinə zindonə çəzo de 20-25 sornə zindonə cəzo əvəz kardəşone.
Az.R huğuğə mudafiəkaron Ruhullah Novruzzadə bə vətən vanıdoe məhkum kardışone

Mar 18, 2019 07:48

Dini fəal Ruhullah Novruzzadə ki, İroni Ğum Universiteti tələbəy, marti 13-minə ruji bə vətən omeədə Boku aeroportiku oqordıniəşonbe. “İslamazəri.com” sayti de ım hadisə əlağədar bə Respublika huğuğə mudafiəkaron muraciət kardəşe.
Boku hokuməti Ğum universiteti tələbə Ruhullah Novruzzadə bə vətən vanıdoşe

Mar 16, 2019 10:29

Ruhullah Novruzzadə Ğum Universiteti Huğuğə fakultədə təhsil sedə. Çey pıə Mənsim Novruzov noxəşe, vəziyyətış qone. Deştə zoə orəxnə vindemon karde, bey iştə vəsiyyəti rosnie piəşe. Bı səbəbən martə manqi 13-minə ruji Ruhullah de həvopeyma çe İrono bə Boku ome. Maştə subhədəli həvopeyma bə Boku aeroport enışte. Əmo Ruhullaşon əyo oqəte, bəştə kə vanıdoşone.
Az.R -ədə ovi ehtiyat bə kam bıə

Mar 14, 2019 09:01

Az.R Ekoloqiya və Təbii Sərvəton Vəzarəti Milliə Hidro Meteoroloqiya Departamenti direktor Umayra Tağıyeva bə jurnaliston votəşe ki, məmləkəti Yolə bə Rukə Ğəfğazi ərazionədə Departamenti mutəxəssison va təbəğə həcmi muəyyən kardə monitorinq dəvunidən. De ım roy məmləkəti ruonədə ovi potensiali muəyyən kardedən.
Respublika vıjoronədə ğıyməton boho bıe səbəb çiçe

Mar 11, 2019 09:40

Prezident İlham Əliyevi əhali pensiya, sosialə muavinəton, minimum manqə məvacibi ziyod karde həxədə sərəncom doə bə peş Respublika vıjoronədə ğıyməton həmonə ləhzə boho karde bino bıe.