Bo Avropavıjə tələbəon islamiyə təşkilaton i bemoni iclosiro İroni Yolə Rəhbəri mesaj.
İroni Yolə Rəhbər qıləy peyğomi vasitə bə Avropavıjə universiti tələbəon islamiyə təşkilaton i bemonədə iştirok əkəyon votışone: cıvonə universiti tələbə bəbe ısətnə zəmoni və təhəvolaton dərk bıkə(bızono) ijən ıştəni hozzo bıkə.
Im peyğomi dılədə ki zinə sıb huccətul islam vəlmoslemin Cəvad Ejei əvış Avesteriyaədə paytəxt Viyanaədə bıə İmom Əli(ə) islamiyə mərkəzədə handə ğeyd bıə: ısətnə əsri əzizə universiti cıvonə tələbəon vəziyət iyən təhəvolaton tojə intizaron bois bıə ki dəvardə əsronədə nıbe və ya xot məlum nıbe.
Həzrəte Ayətullah Xamenei ım mesajədə təsdiğ kardən: islamiyə onemonon iyən çəvon dılədə diniyə atmosfer karde bəzne həminə hozzo mande ziyod əkə və bə şımə komək əkə amil bıbu əmmo muhimmə nuktə ıme ki koon bo Xıdo ijən məsuliyəton əncom doe eşği əncom bıbu ki əqə ım tufiğ hasil bıbu ilahiyə hidoyət həm bomiye; İnşaəllah; Xıdoku bo şıməro səadət və hərəbaxtəti tələb kardəm.
