İroni və Pakistoni miyono iğtisodi və ticari əloğəon.

İroni xarıci vəzir bə İron iyən Pakistoni miyono iğtisodi və ticari əloğəon inkişof təkidıış kardə.

Bə İrna raporti əsos Muhəmməd Cəvad Zərif zinə şəv bə Pakistoni İslamabad şəhri Airport daxil bey faxti jurnaliston cəmədə votışe: ım səfərədə İron və Pakiston bankiyə əloğəon inkişof, bə zərfiyəton əsos ticarətədə tarifat noe iyən 2 tərəfi ozod ticarəti ğanunon rohət karde domuədən.

İroni xarıci vəzir ım səfəri barədə ıştə hədəfi elan karde bəpeştə əlovəş kardə: Pakiston çı İroni vey nezə hamsoyəy və Tehron həm Pakistoni Bənə məxsus ticari şərik hisob kardə.

Muhəmməd Cəvad Zərif dəvardə soronədə bə İron və Pakistoni miyono ticari əloğəon inkişofi miğdor işorəş kardə və votışe: ım sahədə vey ğabeliyət iyən istifodə nıkardə zərfiyəton hestin.

Əv ijən İron və Pakistoni miyono siyasi əloğəon həm vey çok zınəş be.

İroni xarıci vəzir deştə siyasi və iğtisodi heyəton bə i co zinə şəv bə İslamabad varid bıə və ıştə 3 rujiyə səfəri cərəyonədə de ım kişvəri muxtəlifə rəsmi şəxson vindımon bəkay.