De Həzrəte İmom Muhəmməd Bağır(ə) milad ruji sorqardışi mınosibəti təbrik.
Imruj, Hicri Ğəməri 1439-nə sori Rəcəb bərəkətinə manqi 1, Hicri Şəmsi 1396-nə sori Esfənd manği 28 iyən Miladi 2018-nə sori Marti 19-nə ruje; Bə təğvimi əsos ımruj dınyo şiəyon 5-nə İmom, Həzrəte İmom Muhəmməd Baqır(ə)-i moəku bıə ruji sorqardışe.
Dınyo şiəyon 5-nə İmom, Həzrəte İmom Muhəmməd Baqır(ə) çı Hicri Ğəməri 57-nə sori Rəcəb bərəkətinə manqi 1-nə ruji Mədinədə moəku bıə.
Həzrəte İmom Muhəmməd Baqır(ə)-i əzəmət anədə cəmaəti dılədə ziyod be ki har vırədə Haşımiyon, Ələviyon iyən Fatimiyon aliyə məğomi barədə ğəp je faxti ə Həzrətışon ım Xandanədə bıə həmmə ğəhrəmanəti, şucaət, əzəmət iyən pokətion yeğanə irs bardə şəxsiyət zındən.
Dınyo şiəyon 5-nə İmomi moəku bıə əyyami həmzəman zinə şəviku İroni həmməy şəhron və dionədə bıə məçidon, huseyniyəon iyən məzhəbi vırəonədə məxsus mərasimon bino bıə ijən ımruj həm dəvomış heste.
Viloyət iən İmoməti osmoni 8-nə ostovə İmom Rıza(ə) və çəy qiromiyə hovə Həzrəti Məsomə(s) pokə hərəmon yəni Məşhəd iyən Ğomədə həm Əhli Beyt(ə) aşğon de şini paybaxş ijən muxtəlif mərasimonədə ıştirok karde Həzrəte İmom Muhəmməd Baqır(ə)-i milad ruji sorqadışi bə yande təbrik voteydən.
İron Tolışi Rədio tərəfiku ım mınosibəti bəşımə təbrik ərz kardıdəmon.
