De İslami qiramiyə Pəyğombəri Məb`əs İdi mınosibəti təbrik.
Imruj Hiri Ğəməri 1439-nə sori Rəcəbə manqi 27, Miladi 2018-nə sori Aprili 14 iyən İslami qiramiyə Pəyğombəri məb`əs ruji sorqardışe.
Məb`əs yolə İd qıləy ruje ki Xıdo tərəfiku Həzrəte Muhəmməde(s) bə risolət iyən bəyğombərəti vıjniyə bəy.
Xıdo Rəsul(s)-i Besət qıləy ruş bino kardə ki insonon şırk, beədolətəti, nohəxion, nodonətion iyən fəsodiku xaric bıbun və bə tovhid, mənəviyət, ədolət iyən kəroməti tərəf hərəkət bıkun.
İroni millət de Rəcəbə manqi 27-nə ruji həmzəman zinə şəviku muxtəlif şəhron iyən məntəğonədə bıə məçidon, huseyniyəon, imomzodəon iyən dini vırəonədə məxsus mərasimonədə binoşon kardən bə iştirok karde.
Məşhədədə Şiəyon 8-nə İmom Həzrəte Rıza(ə) ijən Ğomədə bıə Həzrəte Xanım Məsumə(s) pokə hərəmonku həm xəbə omə ki mısılmonon de şini paybaxşəti ijən muxtəlif mərasimonədə ıştirok karde İslam qiramiyə Pəyğombəri Məb`əs İdə ruji sorqadışi bə yande təbrik votedən.
İron İslam Respublika Telerədio tərəfo Məb`əs İdi iyən Həzrəte Muhəmməd(s) bə risolət iyən pəyğombərəti vıjniye ruji sorqardımoni bə həmmə mısılmonon, dınyo ozodtələbon iyən həmzıvonə tolışon təbrik ərz kardıdəmon.
