De Həzrəte Əbulfəzl Əbbas(ə) milad ruji sorqardışi mınosıbəti təbrik.
Imruj Hicri Ğəməri 1439-nə sori Şəbanə manqi 4 bərobər de Miladi 2018-nə sori Aprelə manqi 21 ijən de Həzrəte Əbulfəzl Əbbas(ə) milad ruji sorqardışe.
Hecri Ğəməri 26-nə sori Şəbani 4, dınyo şiəyon 1-nə İmom Həzrəte İmom Əli(ə)-i fərzəndonku, Ğəməre Bəni Haşem, Kərbəlo Ələmdor iyən Səğğa Həzrəte Əbulfəzl Əbbas(ə) Mədinə şəhrədə bə dınyo omə.
Ə Həzrəti qerami moə Umulbənin nomo bıə Xanım be ki Həzrəte Fatimə Zəhra(s) bəfotiku bəpeştə bə Həzrəte Əli(ə) jenı- şuyəti iftixor noil bıə.
Aşura əzəmətinə rujədə Həzrəte Əbulfəzl(ə) ıştə eşğ və irodəti bəştə zəmonə İmomi sabit kardeyro de yeqanə fədokorəti ijən şəhodət, karde zınəş be bəfodorəti sahədə bo mısılmononro əbədi iyən yolə erjinə olqo bıbu.
Həzrəte Əbbas(ə)-i mevlud ruji İroni təğvimədə veteranon ruj ğeyd bıə.
İroni milləti Həzrəte Əbulfəzl(ə) mevlud ruji və şəviku de mığəddəsə vıronədə huzuri şoə mərasimonədə iştirok kardən.
Tolışi Rədio tərəfiku eşğ və fədokorəti boydəğdor Həzrəte Əbulfəzl(ə) mevlud ruji bə həmmə mısılmonon və həmmə ozodpərvəron təbrik ərz kardedəmon.
