Ruhani:ironi millət Amerkə har qılə fitnəqərə hərəkəton vədə zumand bəmande.
İron İslam Respublika prezidenti votışe:Sıpiyə bina bızno çı bəştə doə vədəon əməl bıkə və çı nıkə ironi yolə millət çəvon har qıləy fitnəqərə hərəkət və planədə de zumandəti dim bə dim bəbe.
İron İslam Respublika president Həsən Ruhani ımruj ironi şimal ğərb Şərği Azərbaycan ostan Təbriz şəhri milləti əzəmətinə huzurədə əlavəş karde Amerkə sioniston iyən məntəğədə mırtəciə ərəbə məmləkəton fitnəqərə hərəkəton İron İslam Respublika inkişafədə heç qıləy təsir nibənoy.
İron İslam Respublika prezidenti əlavəş karde əvoni ki sıpiyə binaədə nıştən bıznon bəştə doə vədəon mədəniyət iyən insoniyət əməl bıkən ya nıkən ironi yolə millət iyən devlət bənə milləti nımayəndə har qıləy fitnəqərə hərəkət və plani vədə de zumandəti bəmande.
Prezident Ruhani votışe:heç kəs nibəzne ironi yolə milləti məyus karde və ommidi çı millətiku doəru karde.
president Ruhani votışe:ironi devlət və millət deşmeni har qıləy ehtimal doə bıə fitnəqərə hərəkəton vədə bərnaməş heste və problemon ironi milləti zumandə dastonədə həl bəben.
president Ruhani əlavəş karde ironi istihsal kardə məhsolonku himoyə karde sorədə həmmə məsul şəxson islamiyə respublika nizomi səbarzətiyu fəaliyət bəkan.
Ruhani əlavəş karde devləti ro inkişafi roy və har qılə problem ki ım cəhətdə bə nav bo devlət çəy həl kardeyu təəhodış heste.
president Ruhani bə ironi mıxtəlif ostanon səfər karde 2 minnə devrədə və "Təbriz 2018" nomo bıə beynəlxalğə mərasimi okardeyu ımruj bə ironi Şərği Azərbaycan ostani mərkəz Təbriz daxil bə.
