İron beynəlxalğə səviyədə bıə ictimaiyətonku tələbış karde təciliyə holətədə sioniston cinayəton vədə reaksiya nışon bıdən.

İron İslam Respublika xarici koon vəzorətxonə sıxanəvot Ğəzzə iyən fələstinı coqlə ərazionədə sionist rejimi hərbion zinə cinayətışon məhkum karde və beynəlxalğə səviyədə bıə ictimaiyətonku tələbış karde təciliyə sorətədə sioniston cinayəton vədə reaksiya nışon bıdən.

Ğəzzə məntəğə iyən fələstinı coqlə ərazion işğal bə ğusədə Amerkə səforətxonə okarde iyən mayə manqi 15 minnə ruji fələstinı işğal karde sorəqardışi mınosibəti bə etirazinə aksiya bərpo karde şohid be .

ım etirazinə aksiya de sionist rejimi hərbion hucumi bə xəylion şəhodət və yarəjə be bois be.

ğudsı işğalqərə rejimi hərbion 55 qılə fələstinıjışon şəhid və 2 həzo nəfərisə ve yarəjəşon kardə.

Bə Mehr aqentəti xəbon əsosi Bəhram Ğasımi votəşe: Fələstin iyən fələstinıjon işğal bə ərazionədə hırdəniyon jenon və be mıdofiyə milləti kışte dəvardə 70 sorədə sioniston əsosə strateji bə və əlavəş karde zinə amerkəvıjon iyən sioniston Amerkə səforətxonə kənoədə vəhşiyə holətədə be qınoə insonon ğətliam karde kənoədə şoə mərasimışon bərpo karde.