Burucerdi:məntəğə bəzi məmləkəton na səhihə təhlilon bə nooromətion dəvom bois bə.
İroni islamiyə şura məclisədə milli əmniyət və xariciyə siyasəton kamisiya rəisi votışe:məntəğə muvcod bə bıhroniku bəzi məmləkəton na səhihə təhlilon məntəğədə bə nooroməti və bıhron bois bə.
Bə Mehr aqentəti xəbon əsosi Əlaəddin Burucerdi zinə de Tırkiyə nakonə xarici koon vəziri Yaşar Yakşin vindımonədə bə məntəğə ısətnə şərayeton iyən terroristiyə qrupon ve be işarəş karde və votışe:islamiyə omməti deşmenon radikalə qrupon icod kardeədə islamiyə məmləkəton ğıvvə zəif karde domoədən.
ironi islamiyə şura məclisi milli əmniyəti kamisiya rəis bə İron və Tırkiyə məmləkəton əlağə tarixi işarəş karde və ıştə qəpon dəvomədə əlavəş karde həmmişə 2 qılə mıslmon iyən hamsuyə məmləkəti əlağon dust iyən stratejik bə və İron-Tırkiyə həmkarətion bəpe 2 tərəfə mınosibəton zumand karde cəhətdə bıbo.
