Burucerdi: ətomiyə təvafuği barədə çı Avropavıjə kişvəron sıxənon İroni mışkilaton həl əkə nin.
İroni islamiyə şura məcles xarıci siyasət və milli əmniyyət kamissiya rəis votışe: Avropa bəpe əmələdə Amerkə nosəhihə tələbon mutəğabilədə bemando və bəştə məsuliyət əməl bıkə.
Əlaeddin Brocerdi zinə bə Əlaləm xəbəiyə kanal elanış kardə: ətomiyə təvafuği çərçivədə iyən Amerkə fişaron vədə mande barədə İron çı Avropa rəftori çəş kardedə.
İroni islamiyə şura məcles xarıci siyasət və milli əmniyyət kamissiya rəis bə ətomiyə sazışi bənav vəziyəti oqardero İroni hozzo mande barədə votışe: İroni ətomiyə təşkilat çandə əməliyə hərəkəton binoş kardə və əmələn zəminəon hozzo bıə.
Brocerdi İroni məntəğəiyə ğudrəti barədə həm təkidış karde: Amerkə ım ğudrəti dərkış kardə və yodo bekarde zendəni çən məntəğədə İroni nıfuzi kam karde və İroni rəkıtiyə ğudrəti məhdud karde İroni sə xət və Amerkə ozode.
Əv hərbi, siyasi və pesixi sahəhə iyən məntəğə və dınyoədə İŞİD terroristiyə qrupi qıləy məğlub bıə qrup hisobış karde və votışe: Amerkə ısət ijən bə DAEŞ komək karde xoto ım qrupi sərkərdəon bə Əfğanıstan və Yəmən ovıştoniyədə.
İroni islamiyə şura məcles xarıci siyasət və milli əmniyyət kamissiya rəis Suriyə muzakirəon prosessədə siyasiro və terroriston tərəfo silohon bə kəno noə (tərke siloh karde) bə Suriyə millət və dıvləti aid zınəş be və de sionist rejim rabitə və əloğəon addi karde barədə ıştə təəsufi elanış kardə.
