Ğasımi:Avropa qarant bıdə atom sazışədə ironi faydon təmin bəben.
İroni xarici koon vəzorətxonə sıxanəvoti votışe:Avropa mandə bə kamə fırsətdə bəpe qarant bıdə atom sazışiku Amerkə xaric be bəpeştə İron İslam Respublika faydon təmin bəben.
İroni xarici koon vəzorətxonə sıxanəvot Bəhram Ğasımi zinə daxili və xariciyə jurnaliston vindımonədə ki ha haftə təşkil bedə ım muali cəvobədə ki aya atom sazışiku Amerkə xaric beədə Avropa yolə şirkəton de İron ıştə həmkarəti ğət bəkan və ironi tələbon qədə şirkəton huzurədə təmin bəbe jıqo cəvobış do Amerkə xaric beədə tojə şərayet icod bə və bə ım muvzo diğğət doeədə ki coqlə tərəfon atom sazışi həyati dəvom doey cəhətdəy ım barədə muzakiron dəvomış heste .
ironi xarici koon vəzorətxonə sıxanəvot atom sazışi həyati vədə avropavıjon qarant doe barədə votışe:fəğət təyliyə qəp vəs ni və har çi əmələdə təşkil bıbo əhəmiyətış heste.
Ğasımi eyne holədə Suriyə məmləkəto həmmə xariciyə tərəfon xaric be barədə Rusiyə tələbi barədə votışe:heç qılə məmləkət surikəku xaric beyu ironi məcbur karde əzın ni islamiyə respublika qıləy mıstəğilə məmləkəte və suriyədə ironi huzur de terarizm mubarizə bardeyu ım məmləkəti ğanoniyə devləti dəvəti əsosədə bə.
ironi xarici koon vəzorətxonə sıxanəvot işarəş karde ə kəson bəpe suriyəku xaric bıbon ki çı məmləkəti ğanoniyə devləti icazəku bə kəno bə suriyə ərazi təcavuzışon kardə və əlavəş karde ta bə zəman ki suriyə devlət bıpiyoşe İron ıştə koməkon dəvom bədoy.
Ğasımi iraği parlamenti vıjnımon və Tehron-Bəğdad ixtisadiyə həmkarətion dəvom doe barədə votışe:irağədə ixtisadiyə huzur qıləy bıland mıddətə məsələy və qıləy vıjnımonədə əvəz nibəbe.
ironi xarici koon vəzorətxonə sıxanəvot talebanı bə Fərah şəhr hucumədə əfğanistanı bəzi məsul şəxson bıhtonon ki qoya İron ım hucumədə talebanıku tərəfdarətiş kardə jıqo cəvobış do İron heç qıləy məmləkəti daxili koonədə dəxalət kardə ni eyne holədə ironi siyasət de Əfğanistanı devlət veyə həmkarəti kardeye.
Ğasımi işarəş karde bəzi fəaliyət kardən əfğanistanı daxili problemon və bəzi orqanon zəifətion bıpoşnon və ıştə sıxanon dəvomədə əlavəş karde jıqo qəpon İron və əfğanistanı çokə əlağon xərob kardeyuy eyne holədə bə ım məmləkəti rəsmi şəxson tuvsiyə bedə huşin əməl bıkən.
ironi xarici koon vəzorətxonə sıxanəvot Amerkə de şimali koreya muzakiron və ironi siyasəton barədə votışe:İslamiyə Respublika həmmə vırədə məxsusən Koreya bə adə mandə məntəğədə sulh və əmniyətiku mudafiyə bəkay əmmo de ğətiyəti elan kardəmon Amerkə qıləy şərik ni ki bıbo bəy bovə karde və əvoni ki pidəşone de ım məmləkət muzakirə bıkən bəpe lozim bə diğğətışon bıbo.
