İslami İnğilabi Yolə Rəhbər: İron çı Fələstini məsələ həl karde məntığiyə ro, həğiğiyə Fələstinıjon miyono referendum dəvordoney zıneydə.

İslami İnğilabi Yolə Rəhbər zinə əsr Ğəzzə və Ğudsədə bıə sionist rejimi cinoyəton barədə Avropa kişvəron sukuti tənğidış kardə iyən votışone: Fələstini tarixiyə kişvərədə bo hukuməti mahiyyəti iyən strukturi təyin karde bəpe bə həmonə metodi əsos əməl bıbu ki həmmə dınyo bəy bovəşe.

Yəni umumiyə fikon ovard və həmmə həğiğiyə Fələstinıjon əcumlə mısılmon, yəhudion və məsihion miyono referendumi dəvordoniye, əvoni ki kəmiku 80 sor Fələstinədə bən, əvoni ki İşğaliyə sərzəmi daxılədə jimon kardedən ya xot ısət xaricədə hestin.

Bə Yolə Rəhbəri rəsmi qaentiyəti mərkəzi raporti əsos, Həzrəte Ayətullah Xamenei de çand sa nəfər professor, unniversition iyən elmiyə heyəton ozvon, və İroni elmiyə mərkəzon mıhəğğığin didorədə işorəş kardə: ım çı İslamiyə Respublika pıləne ki İ bıə Milləton Təşkilatədə rəsmi sorət təsdığ bıə, aya de normoni ki dınyo ğəbulış kardə mıntəbiğ ni? pəs buçi Avropa kişvəron çəy fame zındənin?

Həzrəte Ayətullah Xamenei bə Avropa səfər karde cərəyonədə zəmonə şemr yəni sionist rejime sərvəziri ıştəni məzlum nışo doe işarəş iyən əlovəş kardə: ım cinoyətkor ki tarixədə həmmə zalımon məşhur sərkərdəy bə Avropavıjə du votəşe ki İroni hədəf ıme ki əmə və çand milyon yəhudion arəku brdeye, vəhol ım ki İron çı Fələstini məsələ həl kardero mənteğiyə ro elanış kardə ki bə democratiyə normon mıntəbiğe.

İslami İnğilabiyə Yolə Rəhbər bə əksəriyət milləton miyonədə İslami Respublika aliyə vırə işorəş kardə və votışone: jıqo ki məntəğə milləton və kişvəron əksəriyət cəmiyəti dılədə İron veyni abro, tərəfdo və nıfuzışe mığobilədə istikbariyə be erjinə dıvləton miyonədə həm veyni deşmənoneşe, ım məsələ bois be xəbisə deşmənon sui-ğəsd karde fikədə bebon ki bə Xıdo inoyəti əsos əvon ijən İroni milləti və İslami Respublika bərobərədə həmişə məğlub bəben.

Həzrəte Ayətullah Xamenei dəvomədə unniversition çı "kişvəri ağılə ğıvvə təlim doe" vey muhimmə mərkəzonku hisobış kardə və unniversition 3 qılə əsosiyə zərorəti yəni "de kişvəri məsələon həl karde məşğul bey", "tələbəon çı hoviyət, əxloğ və mədəniyəti cəhəto təlim doe" və "unniversiti mıhitonədə daemə isloh və təhəvvolaton" barədə hamiyedən: kişvəri məsələon və mışkulon bəpe alemanə hələ bıbu və ım roədə unniversition, professoron iyən istedodinə cıvonon cəhd, ğudrət iyən zərfiyətonku istifodə karde vey əsosi iyən muhimme.

İslami İnğilabiyə Yolə Rəhbər 20 faiz Urani qəncin karde çı kişvəri cıvonon istedod və ğudrətiku qıləy vavriski doə təcrubə hisob və işorəş kardə: bə vaxtədə ki bo 20 faiz qəncin bıə Uran həvate şərton mıəyən bıə be iyən bəzi rəsmi şəxson həm ım zəminədə bə imtiyoz doe meylışon be, de cıvonon cəhd və de isror və mığovimət İronədə 20 faiz qəncin bıə Uran istihsol hozzo be və dınyo bovə nıkardə holədə dərkış kardə ki əmə bə Amerkə, Russiyə və Fransə Urani hiç ehtiyocımon ni.