Ruhani de Ğətərı kral təşkil doə votımonədə:Tehron ijən Doha kənoədəy.

İron İslam Respublika president de ğərətı kral təşkil doə telefoniyə votımonədə 2 tərəfə əlağon inkişafiku rozi mande və votışe:de Ğətər əlağon inkişaf doeyu heç qılə mane ni və Tehron ijən Doha kənoədəy.

Prezident Ruhani zinə de ğərətı kral Şeyx Təmim Bin Həməd Ale Sani təşkil doə telefoniyə votımonədə təziğon və təhdidon iyən no ədolətinə muhasirə vədə ğətərı millət və devləti mığavimət iyən tov vardeş bə tərif loyiğ zınə və votışe:İron İslam Respublika de zu  ğətərı muhasirə karde no ədolətin və məntəğə məmləkəton miyonədə bə təfriğə iyən  veyə problemon icod be bois zındəy.

İron İslam Respublika president işarəş karde tehroni siyasət bə ixtilafon oxo doeyu de məntəğə məmləkəton həmkarəti və votımon kardey və məntəğə oroməti iyən əmniyəti icod kardeyu bıə fəaliyətonış bə məntəğə həmmə milləton xeyrış zınə və əlavəş karde İron İslam Respublika məntəğə bəzi məmləkəton problem təşkil əkə siyasətonış na səhih zınə və şək ni ki ım siyasəton dəvom məntəğədə  bıə problemon mincumlə Fələstin,Suriyə və yəmənı problemon ve bəkay.

Prezident Ruhani eyne holədə işarəş karde yəmənı bıhron de hərbiyə roon həl əbı nin və bə Əlhodəydə port tojə təşkil bə hucumon yəmənı məmləkətdə bə insoniyə faciə təşkil be boisış zınə və votışe: ım daveon dəvom yəmənı fəğırə millətış təziği jiyədə ğərorış doə və həmmə vəzifə bə ım məzlumə milləti komək kardeye.

ğətərı kral ım telefoniyə əlağədə  ğətərı muhasirə məsələdə İron İslam Respublika siyasətonku təşəkurış karde və votışe: Dohə ım siyasəton heç vaxti yoddə benibəkay və əlavəş karde Ğətər məntəğə həmmə ixtilafon həl kardeyu votımoni ro məsləhət zındəy və heç qılə məmləkət nibəzne ıştə nəzə bə coqlə məmləkəti qi noe.