Ruhani:ironi milləti Muğavimət iyən vəhdət ,amerkəvıjə rəhbəron puçə sıxanon vədə həmməysə zumandə cəvobe.
İron İslam Respublika president bə ım məsələ işarə kardeədə ki Amerkə bəzi yolon puç və be əsosə təhdidon cəvub doe erjış ni ,ıştə qəpn dəvomədə əlavəş karde ironi milləti muğavimət,vəhdət və etına nıkarde amerkəvıjon təhdidon və planon vədə iyən deşmenon fitnəqərə hərəkəton vəyqəteyu amerkəvıjə rəhbəron puçə sıxanon vədə həmməysə zumandə cəvobe.
Həsən Ruhani zinə devlət heyəti iclosədə beynəlxalğə ədliyə məhkəmədə ironi bə Amerkə zid şikayətiku işarəş karde və ıştə qəpon dəvomədə əlavəş karde dınyo məmləkəton əksəriyət Amerkə hərəkəton nasəhih zındəy əy məhkum kardən və heç nıbo çəyku ıştə təəssufi elan kardən.
president Ruhani eyne holədə votışe:beynəlxalğə ədliyə məhkəmə ,dınyoədə həmməysə yolə huğuğiyə mərcə bə hisob omedə və əlavəş karde Amerkə devlət beynəlxalğ ədliyə məhkəmə doə xəbərdarətionədə bəpe ıştə əməlon və bərnamonku muğət bıbo.
Beynəlxalğ ədliyə məhkəmə 3 şanbə əsrə vaxti bə Amerkə xarici koon vəzir Mayk Pompeo qıləy rəsmiyə məktobədə ,bə Amerkə zid ironi şikayəti diğğət mərkəzdə ğəror doe zəmani elan kardeədə bə Vaşinqton devləti həm xəbərdarətiş do bə ironi zid 1 tərəfə sanqsiyaon oqırdıneyu harqılə tojə əməliku bə kəno bımando.
Amerkə president Donald Tramp 2018 minnə sori mayə manqi 8 nə ruji bə ironi zid beəsosə bıhtonon tikrar kardeədə atom sazışiku vaşinqtonı xaric be və bə ironi zid atom sanqsiyaon oqardeş elan karde.
Amerkə xarici koon vəzorətxonə siyasəton təinəkə mudir Brian Hook 2018 minnə sori iyoli 2 nə ruji,ironi vədə trampı devləti tojə strateqiya bəyon kardeədə elanış karde bə ironi zid Amerkə sanqsiyaon tojə devrə ki maşin soxte iyən ğızıl(tele) baxşonku iborəte 2018 minnə sori avqosti 4 minnə rujiku və coqlə baxş ki enerji və ironi bankiyə fəaliyəton həxədəy ımsorə miladiyə sori noyabri 4 minnə ruji icra bəbe.
