De şiəyon 7-nə İmom Həzrəte İmom Mosə Kazım(ə)-i moəku bıə ruji mınosibəti təbrik.
Imruj zil-Hiccə manqi 20, Sentiyabri 1, de Şiəyon 7-nə İmom Həzrəte İmom Mosə Kazım(ə)-i moəku bıə ruji sorqardımoni bərobəre.
Ə Həzrət, ıştə qiromiyə dədə şəhodəti bəpeştə, bənə şiəyon 7-nə İmomi, çı mısılmonə cəmaəti rəhbəriyəti məsuliyəti bə qiş qəte.
İmom Musa Kazım(ə) elm, təvazokorəti, çokion iyən əbaxşəti sahədə vey məşhur be.
Şiəyon 7-nə İmom de ıştə qıramiyə dədə, Həzrəte İmom Cəfər Sadığ(ə)-i rəvoyət, hədison iyən bə dini aid bıə əhkamon cəm karde həmçnin ə həzrəti sirə bəyji karde, Şiəyon təlim doe və hidoyət karde vasitə, həmonə həğiğiyə İslomi ki de Şiəyon 6-nə İmomi rəhbəriyəti və mucahidət vey zumand iyən mınəzzəm bıə be, hifz və çimiku vey səbarzış kardə.
İroni millət çı Şiəyon 7-nə İmom Həzrəte İmom Mosə Kazım(ə)-i milad sorqardışi şəv iyən rujədə məçidon, məzhəbiyə vırəon iyən co imom zodəonədə ə Həzrəzi moəku bıə ruji sorqardımoni mərosimonədə iştirok kardedən.
Dınyo şiəyon 7-nə İmomi vırə iyən məğomi barədə nıtğ karde, şini və şərbət paybaxş karde ijən məddohi, əcumlə İronədə bıə Həzrəte İmom Mosə Kazım(ə)-i milad sorqardımoni məxsusə bərnamonku iborəte.
İroni Rəşt şəhri Tolışi Rədio tərəfo Şiəyon 7-nə ostovə, Həzrəte İmom Mosə Kazım(ə)-i milad ruji bəşımə və bə həmmə dınyo mısılmonon(məxsusən şiəyon) təbrik ərz kardedəmon.