İroni xarici koon vəzorətxonə sıxanəvot:ironi de Avropa itifaği maliyə fəaliyəton ve çok bə nav şedən.

İroni xarici koon vəzorətxonə sıxanəvoti votışe:Avropa itifaği de İron maliyə mınosibəton ve çok bə nav şedə.

İroni xarici koon vəzorətxonə sıxanəvot Bəhram Ğasımi zinə daxili və xariciyə jurnaliston iclosədə avropavıjon ciddiyə hərəkəton və Amerkə bə ironi zid sanqsiyaon icra beku nav maliyə fəaliyəton həxədə əlavəş karde maliyə fəaliyəton icod karde qıləy nığılə məsələy məxsusən  ki xəyli avropaiyə məmləkəton bəpe çəy həxədə ıştə nəzə elan bıkən.

İroni xarici koon vəzorətxonə sıxanəvot Amerkə sanqsiyaon oqarde və çəy be əsər kardeyu reaksiyaon barədə votışe: ım məsələ bə Amerkə zid curi ıştəni de saqsiya dim bə dim kardeye çun ki ım məmləkət həmmə beynəlxalğə ğanonon bə lınqi ji nodə və bə ironi zid sanqsiyaon tojədən təşkil karde nışon dodə ki Vaşinqton zındə ni de beynəlxalğə roon ko bıkə və yavli mandəy.

İroni xarici koon vəzorətxonə sıxanəvoti əlavəş karde qıləy şərayetəndə ki xəyli məmləkəton de Amerkə həmkarəti kardə nin,tojə sanqsiyaon pisixi canqiku kəno coqlə çi ni.

və qıləy stratejikə səbrədə karde bəznemon navədə bə şərayeton əsosədə və de coqlə devləton həmkarəti karde 1 tərəfə sanqsiyaon be əsər karde.

Ğasımi işarəş karde dəvardə manqonədə Amerkə pesoxtə bə sıxanon kənoədə ım məmləkəti devlətiyə rəsmi şəxson bə ım nəticə rəsən ki ğoldorəti bə enrji vojori təsir nibənoy və çı sanqsiyaku bəzi məmləkəton bə kəno oqəte Amerkə ıştə siyasəti bə domo nışteku hikayət kardə.

İroni xarici koon vəzorətxonə sıxanəvot Suriyə bıhroni həl kardeyu İstanbulı tojə iclosədə ironi iştirak nıkarde həxədə ironi beynəlxalğə kanali jurnalisti suali cəvobədə votışe: İron İslam Respublika əvvəliku ım  iclos və muzakiron bərpo be cəriyanədə be ,eyne holədə ğəror ni İron həmmə iclosonədə huzurış bıbo.

Ğasımi votışe:ironi 2 qılə şərik yəni Tırkiyə və Rusiyə, Suriyə bıhroni həl kardeyu,İstanbulı iclosədə  huzurışon hest bı və əlavəş karde ım iclosədə bə Astanə muzakiron dəvomi işarə bə.

ironi xarici koon vəzorətxonə sıxanəvoti işarəş karde har hərəkət ki bə Suriyə hukuməti zumandəti bois bıbo və çı məmləkəti odəmon dardi kam bıkə,Suriyə bıhroni həl karde roonku qıləy baxş bəbe.

Ğasımi oktiyabri 31 minnə ruji ironi xarici koon vəziri bə Pakistan və  yəmənı canqi bə oxo rosneyu bə miyon dəşe həxədə çı məmləkəti məsul şəxson məsləhəton barədə votışe:Muhəmməd Cəvad Zərifı bə Pakistan səfər karde,dızdiyə bə sərhəddiyə ğıvvon məsələ təğib karde be ki terroristiyə qrupon tərəfo qirov qətə bən.

İroni xarici koon vəzorətxonə sıxanəvot əlavəş karde məntəğə şərayet mincumlə yəmənı həxədə Zərif de Pakistani rəsmi şəxson vindımoni kənoədə   votımonon təşkil bən,eyne holədə İron har qıləy hərəkətiku ki karde bızno oroməti,votımon iyən insoniyə koməkon bə Yəmən oqırdıne çəyku himoyə bəkay.