İnğilabi yolə rəhbər:əqər cihad və şəhodəti ruhiyə inkişaf pəydo bıkə bə şərğ və ğərbi tərəf bıə meylon arəku bəşen.

İslami inğilabi yolə rəhbəri bəyonoton ki noyabri 5 nə ruji Ğəzvin ostani şəhidon kanqıresi bərpokardəkəson vindımonədə əncom bə be ımruj sıb ım qırdbemoni bərpo kardə vırəğəzvinədə nəşr be.

Həzrət Ayətullah Xamenei ım vindımonədə bə ğəzvinı coğrafiya,tarixi və mədəniyə movğiiyyət işarəş kardə be və votəşe:ğəzvinı yolon,alimony və məşhurə şəhidon iyən ım ostani təcrubə islami inğilabi devran və mığəddəsə mudafiyə devrani yolə imtivonədə bə fəxr bois be.

Həzrət Ayətullah Xamenei şəhidonış məmləkətdə bə mənəviyə həyati inkişaf və bə yolə  hədəfon tərəf hərəkəton hifz bees zınə və əlavəş karde şəhid ıştə  jimoni devranədə dıştə con islami xıdmətədəy və şəhodəti bəpeştə mənəviyə şərayeti icod kardeədə bə islamiyə ictimaiyət  xıdmət kardə.

İslami inğilabi yolə rəhbəri şəhidon sədoş  mıtəalə  Xıdoku təsir qətə sədoş zınə və votışe: şəhidon yod karde mərasim ım oqo bıkə iyən huşin bıkə sədo bə həmmə quş bərosne və bə dılon çokə təsir bənoy və boçimi xoto əqər cihad və şəhodəti ruhiyə inkişaf bıkə bə şərğ və ğərb iyən kofr və kofirəti tərəf meylon arəku bəşen.

Həzrət Ayətullah Xamenei ə kəsonku ki hərəkət kardən şəhidon yod karde,yodonku bekən və ya şəhidon yolə ko əzəmətdə problem icod bıkən votışe: hər çənd mığəddəsə mudafiyə devraniku 30 sor dəvardedə əmmo şəhidonku yod karde ne im ki yoddə beşə ni bəlkə ruj bə ruj ictimaiyyətdə bəji bedə ,çun ki şəhidon olqo  iyən osvə hestin.

İslami inğilabi yolə rəhbəri bəpeə dərəcədə şəhidonku yod karde zərorət və çəvon həxədə ve nığl iyən dəğiğə koon əncom doeku işarəş karde və əlavədə votışe:qah bəzi odəmon  şəhidon əsəron bəyon kardeədə həddiku ve tərif dodən və ım qıləy holədəy ki şəhidon ıştə con və arızoonku Xıdo roədə dəvardən və çəvon əməlon əxtə muhim və əzəmətine ki bə veyə tərifaton ehtiyoci ni.