İroni xarici koon vəzorətxonə sıxanəvot:Avropa Amerkə təziğon vədə heç qılə iradəş ni.

İroni xarici koon vəzorətxonə sıxanəvoti votışe: Avropa əmələn nışonış do Amerkə təziğon vədə heç qılə iradəş ni.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston təşkil doə xəbəriyə iclosədə votışe: Amerkə xaric be bəpeştə atom sazışi hifz kardeyu SPV nomo de Avropa maliyə həmkarətion təşkil kardeyu dəvardə 2 manqi mıddətdə qıləy ciddiyə hərəkət təşkil bə ni və əlavəş karde məsəloni mincumlə ım həmkarətion nığıl be və həddiku ve Amerkə bə Avropaiyə məmləkəton təziğ nışon doe bois bə ım muzakiron ve dıroz bıbon.

Ğasımi  votışe: diğğət doəninə məsələ Avropa siyasiyə iradə atom sazışi hifz karde bə,əmmo əmələn nışonış do Amerkə təziğon vədə heç ko bə nəticə rosne zındə ni və nıznəşe məlum bə zəmanədə ıştə doə vədəon icrayi karde.

İroni xarici koon vəzorətxonə sıxanəvoti votışe: maliyə həmkarətion nığıl be.Avropa zəif be iyən Amerkə təziğon eyne holədə dollari nufuz ım məsələ icraş bə domo eğandə.