İroni millət ijən dışməınon məğlub bəkan; İroni silohinə ğıvvon zumandə hozzoəti.

İroni sepah təşkilati fərmondə canışin qeneral Mayor Huseyn Səlami votışe: dəvardə 40 sori mıddətədə dışmən hejo İroni nizomi vədə məğlub bıə.

Əv təkidış karde: İroni millət ijən deşmənon vədə bəmanden və bənə dəvardə yol bə dınyo subot bəkan ki islamiyə inğilabi hədəfon mudafiə və oqəte sahədə bə kəno ni bəmanden.

İroni sepah təşkilati fərmondə canışin ijən tojədən deşməni psixi canqi hədəfi bə islamiyə erjon və etığadon zərbə varid karde və nizomi peqardımoni cəhətədə zınəş be və votışe: de İroni milləti huzur və İroni Yolə Rəhbəri tədbiron ijən deşmən məğlub be.

İroni silohinə ğıvvon sərğərorqo rəisi canışin qeneral Əta Əllah Salehi həm bə İroni hərbion komilə hozoətəti işorəş karde və votışe: bə İroni əleyh sanksiyaon İroni mudafiə ğudrətədə təsirış nıbe və ımi deşmən çok zınəd.

Qeneral Salehi bə İrna aqentiyəti votışe: bə İrağ Amerkə prezidentəti məxfiyə səfər qıləy şərayetədəy ki İroni rəsmi şəxson ojə oşkor Ərbəin mərasimədə iştirok karde xoto bə İrağ səfər kardən.

Çımiku bənav və İroni cənobədə İroni hərbi ğıvvon sərğərorqo rəis qeneral mayor Muhəmməd Bağıri həm İroni əvoyə sərhəddonku mudafiə karde barədə bə İroni komilə hozzoətəti işorəş kardə be.