Qeneral Səlomi: İron İslam Respublıika, çı deşmoni ğudrət iyən nizomi zumandəti etıboş vırto-vıloş kardə.
İslamiyə İnğilobi Sepah fərmondə təkidış karde: İron İslam Respublıika təşəbbus ım be ki, deşmoni siyasi ğudrət iyən nizomi zumandəti etıbori vırt-vıloş karde.
Qeneral Səlomi bə tojə iğtişoşon işorəş karde iyən təkidış karde: ım qıləy mobarizə be ki İroni şəhron xiyabonon daxıliku tosə Vaşenqton, Niyu-York, London, Telaviv və Riyaz dəvomış heste.
Bə Məhsa Əmini marqi bəhonə İronədə tojə iğtişoşon co kərə bois bıə ta İron İslam Respublika deşmonon ım fırsətiku istifodə kon və İroni daxıli koonədə mıdoxilə kon, və iğtişoşon har çəxtə əlovə beyro, qıləy təhrik bıbun.
Bə İrna raporti əsos, Pencşəmbə rujədə, və universitədə Təbyin cihod kardə kəson milli iclosədə, İslamiyə inğilobi sepah təşkilati fərmondə qeneral Husein Səlami votışe: dınyoədə Amerkə siyasi zumdandəti etıbor, bənə dəvardə ğanuni zıney nibəbe və dəvardə zımonon muğaisədə, ım zumandəti hırye bıə kəson kam bıə.
Qeneral Səlami ijən əlovəş karde: har çəxtə ki bənav şedəmon, dınyoədə Amerkəvıjon İslami İnğilobi mığubilədə de stratejikə dumoyənde məğlubiyəton dim bə dimin ki ım məğlubiyəton nə fəğət İron İslam Respublika rabitə de Amerkə əvəz ko bəlkəm həmmə dınyo rabitəon de Amerkə əvəz ko.
