Zərif: ğərb ısət dınyoədə əsli lider iyən siyasəton mıəyyənəkə ni.

İroni xarıci vəzir votışe: sionist rejimi i minə vəzir iyən Amerkə radikal qrupon ki anti İron pesoxtə bıə koalisoya məhv beyku niqəranin bəpe oğo bıbun ki ısət ğərb ğəroli mıəyyənəkə ni.

Bə Fars aqentiyəti raporti əsos İroni xarıci vəzir Muhəmməd Cəvad Zərif Tehronədə İroni xarıci siyasətədə bə çand tərəf meyl peydo karde iclosədə votışe: məntəğədə 7 terelyon dollar bəpeştə qırd hədəfon məğlob bey barədə Donald Trampi etırof nışo doyə ki ısətnə əsrədə Sultə tələbəti hiç foydəş ni.

Zərif ətomiyə sazışədə Amekə dastiku məhv bıə çəyon bo Amerkə stratejik məğlobiyət hisobış karde və votışe: Amerkə və sionist rejim bə İroni əleyh pesoxtə bıə atmosferi məhv beyku niqəran mande xoto ijən bo anti İron vəzyəti icod kardero 4 kərə Əmniyyət Şuradə cəhd kardışone peşo və Arşavadə iclosədə qırdə bıən ki həmmə çəvon səy-cəhdo məğlob be.

Əv bə diplomatiya və hərbi sahədə ğudrət yande kənoədə hədəfon bənav barədə təkidış ka.

Zərif bə İroni mıstəğilə siyasəton işorəş karde və votışe: ım sitiğloli mənəviyəti beynəl xalğ əloğəon kənoədə bə bumbi ğudrət və zərfiyəti əsos hərəkət karde.