Ruhani:İron muzakirə nomo təslim əbı ni.

İron İslam Respublika prezdenti votışe:İron ədolətin,ğanoni və izzətmandə muzakiron dəvoneyu kamilən hozzoy əmmo muzakirə nomo təslim beyu rozi nibəbe.

Həsən Ruhani zinə işarəş karde İron İslam Respublika həmmə xariciyə təziğon kənoədə ğoldorətion vədə təslim əbı ni və əlavəş karde İron atom sazışiku 1 sor Amerkə xaric be bəpeştə bə navədə bə tərəfon fırsətış do ta bıznon atom sazışədə bəştə  doə vədəon əməl bıkən əmmo ısət İroni natə sank siyaon və tojə şərayetədə islamiyə respublika atom sazışədə ıştə vədəon kam kardeyu ciddiyə fikonış heste.

əv Fars dıyo,Ommanı dıyo və Hormozı tanqə əmniyyətış ironiyu ve əhəmmiyyətinış zınə və votışe:İron,Fars dıyo və Hormozı tanqə əmniyyəti hifz karde kənoədə dınyo coqlə ovinə roon muncumlə Babulməndəb və Hind okyani əmniyyətiyu həm cəhd kardə.

prezdent Ruhani Hormozı tanqə və Fars dıyo muhafizə karde əsosə məsuliyyətış bə İron və ətrofədə bə məmləkəton ehdəş zınə və əlavəş karde islamiyə inğilabi sepahe pasdarane əməl Hormozı tanqədə İnqiltərə tanker oqəteyu ki ğanonış darıştə be qıləy səhihə hərəkət be və dınyo həmmə bəpe sepahku Fars dıyo əmniyyəti təmin kardeyu təşəkkur bıkən.