Ruhani:sanksiya şərayetədə çəmə cəvob bə muzakirə ne bəbe.

İron İslam Respublika prezdenti votışe:İroni devlət və millət 1 sor nim şiddətinə sanksiyaon jiyədə mığavimətışon karde və əlavəş ka İron heç vaxti ə deşmenədə ki pidəşe de fəğırəti,sanksiya iyən beynəlxalğə dızdi, məmləkəti bə təslim be məcbur karde muzakirə əkə ni.

Həsən Ruhani zinə Nyu-Yorkədə  İ bə milləton təşkilati umumiyə asambleya 74 minnə iclosədə votışe:qıləy şərayetəndə ki Amerkə,atom sazışiku xaric bə və avropavıjon ıştə vədəon icraədə bəd əhdişon kardə İron ijən atom sazışədə bəştə doə bə vədəon vəfodor mandə və əlavəş karde bə həmmə sobot bə ki Amerkə bəştə vədəon peştış kardə və Avropa ıştə vədəon icraədə ocize.

prezdent Ruhani əlavəş karde jəqo ki islami inğilabi yolə rəhbəri elanış kardə votımon dəvoneyu yeqanə ro,bə doə bə vədəon oqarde və sanksiyaon ləğv kardeye.

prezdent Ruhani votışe:Asiya ğərb məntəğədə canq,odəm kışte,təcavuzqərəti,işğal iyən məzhəbi və toyfəiyə təəssıbon otəşədə sutedə və jıqo şərayetədə həmməysə yolə ziyan vində millət Fələstinı məzlumə milləte və əlavəş karde Amerkə və sioniston zuə planədə bənə "əsri muğavilə",Beytul mığəddəsi bənə sionist rejimi paytəxt zıne, Colanı barzə vıron bə işğaliyə sərzəminon əlavə karde de ğətiyyəti məğlub bə plane.

İron İslam Respublika prezdenti votışe:Ərəbıstonı əmniyyət bə Yəmənı zid  təcavuzi oroxneədə bə dast bome.ne əcnəbionku dəvət kardeədə və əlavəş karde İron hozzıy sulhi roədə ıştə həmmə milliyə ğıvvə iyən məntəğədə etıbor və beynəlxalğə səthədə zumandətionku bəhrə bıbə.

Prezdent Ruhani,Fard dıyo və Hormozı tanqədə sulh və oroməti hifz karde iyən inkişafış İroni tarixiyə məsuliyyətış zınə və həmmə məmləkətonış ki Fars dıyo və Hormozı tanqə hadison və şərayetonku təsir sedən bə Ommid koalisiya yəni Hormozı sulh plan dəvətış karde.